আমগুৰি, ৫ ফেব্ৰুৱাৰী: কৰ্মসংস্কৃতিৰ নিদৰ্শন দাঙি ধৰিছে আমগুৰিৰ এক দম্পত্তিয়ে। আমগুৰি সমষ্টিৰ ঐতিহাসিক চাৰিং অঞ্চলৰ মোমাই তামূলী গাঁও পঞ্চায়তৰ ন-খনা গাঁওৰ এই দম্পত্তিয়ে ৰবৰ খেতি কৰি কৰ্মসংস্কৃতিৰ নিদৰ্শন দাঙি ধৰিবলৈ সক্ষম হৈছে।
১৯৯৩ চনৰপৰা ৰবৰ খেতি কৰি বৃহত্তৰ চাৰিং অঞ্চলত অনন্য কৃষি কৰ্মৰ নিদৰ্শন দাঙি ধৰি ধৰিছে বিজয় খনিকৰ আৰু সৰুমাই খনিকৰৰ পৰিয়ালটোৱে। নব্বৈ দশকতে এপুৰা মাটিকালিত ৰবৰৰ পুলি ৰোপন কৰি আৰ্থিক সকাহৰ বাবে চিন্তা কৰিছিল পৰিয়ালটোৱে। ৰবৰ ব'ৰ্ডৰ এজন বন্ধুৰ সহায়ত বিজয় খনিকৰৰ পৰিয়ালটোৱে কেৰেলাৰ পৰা পুলি আনি ৰোপনৰ ব্যৱস্থা কৰে।
লগতে পঢ়কঃ গোলাঘাটত জব্দ নিষিদ্ধ নিচাযুক্ত টেবলেট
বৃহত্তৰ চাৰিং ন-খনা অঞ্চলটোত ৰবৰ উৎপাদনেৰে নিজে আৰ্থিকভাৱে স্বাৱলম্বী হোৱাৰ লগতে কৰ্মসংস্কৃতিৰ নিদৰ্শন দাঙি ধৰিবলৈ সক্ষম হৈছে পৰিয়ালটোৱে। সাম্প্ৰতিক সমাজ ব্যৱস্থাত কৰ্মসংস্কৃতিৰ নিদৰ্শন দাঙি ধৰিবলৈ সক্ষম হোৱা এনে দম্পত্তি বিৰল।
