আমগুৰিত ভাৰত বন্ধৰ পূৰ্ণ সমৰ্থন জনালে ঐক্য সেনা অসমে

আমগুৰিত ভাৰত বন্ধৰ পূৰ্ণ সমৰ্থন জনাই ৰাজপথলৈ ওলাই আহিল ঐক্য সেনা অসমৰ একাংশ সদস্য ৷ শিৱসাগৰ জিলাৰ আমগুৰিৰ সদাব্যস্ত নামতি চাৰিআলিত টায়াৰ জ্বলাই কৃষি আইন বাতিলৰ দাবীৰে প্ৰতিবাদ সাব্যস্ত কৰিলে সংগঠনটোৱে ৷

আমগুৰি, 8 ডিচেম্বৰ: কৃষি আইন বাতিলৰ দাবীত কৃষকসকলে আহ্বান জনোৱা ভাৰত বন্ধৰ পূৰ্ণ সমৰ্থন জনালে ঐক্য সেনা অসমে ৷ কৃষি আইন বাতিলৰ দাবীৰে মঙলবাৰে পুৱাৰে পৰা শিৱসাগৰ জিলাৰ আমগুৰিৰ সদাব্যস্ত নামতি চাৰিআলিত প্ৰতিবাদ সাব্যস্ত কৰে সংগঠনটোৱে ৷

আমগুৰিৰ সদাব্যস্ত নামতি চাৰিআলিত টায়াৰ জ্বলাই কৃষি আইন বাতিলৰ দাবীৰে প্ৰতিবাদ সাব্যস্ত কৰিলে সংগঠনটোৱে

প্ৰতিবাদকাৰীসকলে পুৱা নামতি চাৰিআলিৰ মাজমজিয়াত টায়াৰ জ্বলাই উত্তাল প্ৰতিবাদ সাব্যস্ত কৰি ভিন্ন দিশৰ পৰা অহা বাহনসমূহক উভতাই পঠিয়ায় ৷ বিজেপি চৰকাৰৰ বিৰুদ্ধে তীব্ৰ সমালোচনামূলক মন্তব্য কৰি প্ৰতিবাদসকলে প্ৰতিবাদস্থলীত ক্ষোভ উজাৰে ৷

লগতে পঢ়ক: শিৱসাগৰত টায়াৰ জ্বলাই যাতায়ত ব্যাহতৰ চেষ্টা ভাৰত বন্ধ সমৰ্থকৰ