নলবাৰী, ৭ জুন: নলবাৰীৰ বেলশৰ আৰক্ষীৰ জালত দুই ড্ৰাগছ সৰবৰাহকাৰী । সোমবাৰে পশ্চিম নলবাৰীৰ চামতা-কৈঠালকুছি পথৰ কালোপাৰাত বৃহৎ পৰিমাণৰ নিচাজাতীয় সামগ্ৰী জব্দ কৰে বেলশৰ আৰক্ষীয়ে । চামতাৰ পৰা কৈঠালকুছি অভিমুখে আহি থকা AS01AW1444 নম্বৰৰ এখন চাৰিচকীয়া বাহনৰ পৰা নিচাজাতীয় সামগ্ৰীখিনি আৰক্ষীয়ে জব্দ কৰে ।
ঘটনাৰে জড়িত থকাৰ অভিযোগত আৰক্ষীয়ে দুজন সৰবৰাহকাৰীকো আটক কৰে । উল্লেখ্য যে, বিগত কেইটামান দিন ধৰি ৰাজ্যৰ ভিন্ন প্ৰান্তত আৰক্ষীয়ে ড্ৰাগছৰ বিৰুদ্ধে অভিযান চলাই আহিছে । ঠায়ে ঠায়ে ড্ৰাগছ জব্দ হোৱাৰ লগতে বহু অসাধু ব্যৱসায়ীকো আৰক্ষীয়ে গ্ৰেপ্তাৰ কৰিবলৈ সক্ষম হৈছে ।
