নলবাৰী, 21 চেপ্টেম্বৰঃ নলবাৰী জিলাৰ কটৰাৰ পৰা খানাজান হৈ কৈৰাৰাৰ মাজেৰে 31 নং ৰাষ্ট্ৰীয় ঘাইপথত সংলগ্ন হৈ থকা পথটো সম্প্ৰতি বিধ্বস্ত৷ জিলা খনৰ মইনুল আলী আৰু ইয়াকুব আলী নামৰ দুই ভাতৃ ঠিকাদাৰে পথটো নিৰ্মাণত ব্যাপক দুৰ্নীতি কৰাৰ অভিযোগ গাঁওবাসীৰ ৷
নলবাৰীত পথ নিৰ্মাণত দুৰ্নীতি
তথ্যানুসৰি 6 কিলোমিটাৰৰ এই পথচোৱা নিৰ্মাণৰ বাবে 1 কোটি টকা চৰকাৰীভাৱে আৱন্তন হৈছিল ৷ নলবাৰীৰ মইনুল আলী আৰু ইয়াকুব আলী নামৰ দুই ভাতৃ ঠিকাদাৰ এই পথটো নিৰ্মাণৰ দায়িত্বত আছিল ৷ কিন্তু গাঁওবাসীয়ে জনোৱা অনুসৰি পথটো নিৰ্মাণৰ এসপ্তাহ নৌহওতেই বখলা-বখলে পথটো খহি গৈছে ৷ ৰাইজৰ অভিযোগ, ঠিকাদাৰ ভাতৃদ্বয়ে পথ নিৰ্মাণত দুৰ্নীতি কৰাৰ বাবে নিৰ্মাণৰত পথটো বখলা-বখলে খহি গৈছে ৷ সেয়ে এতিয়া ক্ষোভিত ৰাইজে এই সন্দৰ্ভত বিভাগীয় কতৃপক্ষ আৰু গড়কাপ্তানি মন্ত্ৰী হিমন্ত বিশ্ব শৰ্মাৰ হস্তক্ষেপ দাবী কৰিছে ৷
