নলবাৰী, ২০জুলাই: বিদেশী ন্যায়াধীশকৰণৰ বাচনিভুক্ত তৃতীয় আৰু চতুৰ্থ বৰ্গৰ কৰ্মচাৰী নিযুক্তিৰ পৰীক্ষাত উত্তীৰ্ণ হৈও দহ মাহে নিযুক্তি নাপালে ১৬০০ নিৰ্বাচিত প্ৰাৰ্থীয়ে । যোৱা দহ মাহে নিযুক্তি পত্ৰ পাবলৈ সক্ষম নোহোৱা এইসকল প্ৰাৰ্থী হৈ পৰিছে অধিক চিন্তিত । অৱশেষত এইসকল নিৰ্বাচিত প্ৰাৰ্থীয়ে সোমবাৰে নলবাৰী জিলা উপায়ুক্তৰ কাৰ্যালয়ৰ সন্মুখত কৰিলে প্ৰতিবাদ । বিজ্ঞাপন অনুসৰি এবছৰৰ ভিতৰত চাকৰিত যোগদান কৰিব নোৱাৰিলে এই নিৰ্বাচিত প্ৰাৰ্থী তালিকা অবৈধ হৈ পৰিব । এই হিচাপত মাত্ৰ দুটা মাহৰ অন্তত শেষ হ'ব তালিকাৰ বৈধতা । সেয়েহে অনিশ্চয়তাত সোমাই পৰিছে এইসকল প্ৰাৰ্থীৰ ভৱিষ্যত ।
প্ৰতিবাদত ভাগ লোৱা প্ৰতিবাদকাৰী সকলে হাতে হাতে বেনাৰ প'ষ্টাৰ লৈ আমাক ন্যায় লাগে,আমাক শীঘ্ৰে নিযুক্তি দিয়ক,১৬০০ বাচনিভুক্ত নিবনুৱাৰ জীৱনক লৈ হেতালি নেখেলিব আদি শ্ল'গানেৰে উত্তাল কৰি তোলে প্ৰতিবাদস্থলী ।
লগতে চাওকঃ দুই ভুৱা চিকিৎসকে মিলি চলাই আছিল ব্যক্তিগত চিকিৎসালয়
