মুকালমুৱাত আৰক্ষীৰ অভিযানত বৃহৎ পৰিমাণৰ চুৰি সামগ্ৰী উদ্ধাৰ

মুকালুমৱাত আৰক্ষীৰ অভিযানত চুৰি সামগ্ৰী উদ্ধাৰ ৷ উদ্ধাৰ কৰা সামগ্ৰীখিনি বাটা কোম্পানীৰ জোতা,চেণ্ডেল বুলি জানিব পৰা গৈছে ৷ অধিক তথ্যৰ বাবে আৰক্ষীৰ তদন্ত অব্যাহত ৷

নলবাৰী, 28 ছেপ্তেম্বৰ : নলবাৰী জিলাৰ মুকালমুৱাত ডেৰ লাখ টকা মূল্যৰ চুৰি সামগ্ৰীসহ এজনক আটক মুকালমুৱা আৰক্ষীৰ। ৰফিকুল ইছলাম নামৰ লোকজনৰ ঘৰৰ পৰা উদ্ধাৰ কৰে চুৰি সামগ্ৰীখিনি ৷ উদ্ধাৰ কৰা সামগ্ৰীখিনি 'বাটা' কোম্পানীৰ জোতা,চেণ্ডেল বুলি জানিব পৰা গৈছে ৷

মুকালমুৱা আৰক্ষী থানাৰ ভাৰপ্ৰাপ্ত আৰক্ষী বিষয়া যুগল কিশোৰ কলিতাৰ নেতৃত্বত গোপন অভিযানত উদ্ধাৰ কৰে চুৰি সামগ্ৰীখিনি । অভিযোগ অনুসৰি, দীৰ্ঘদিন ধৰি এটা দুষ্ট চক্ৰই চুৰি সামগ্ৰীৰ ৰমৰমীয়া বেহা চলাই আহিছিল ৷

বৰ্তমান ধৃত ৰফিকুল ইছলামৰ লগত আৰু কোন কোন এই ব্যৱসায়ৰ লগত জড়িত আছে তাৰ সন্ধানত আৰক্ষীয়ে তদন্ত অব্যাহত ৰাখিছে ৷

লগতে পঢ়ক : বহিঃৰাজ্যত আটক বঙাইগাঁৱৰ জালনোট ব্যৱসায়ী