SI কেলেংকাৰী: নলবাৰীত পুনৰ আটক এজন অভিযুক্ত

শুকুৰবাৰে নলবাৰীত SI কেলেংকাৰীত জড়িতৰ অপৰাধত আটক হৈছে ৰুবুল হাজৰিকা নামৰ লোকজন ৷ ইতিমধ্যে অতিৰিক্ত আৰক্ষী মহাপৰিদৰ্শক জি পি সিঙৰ নেতৃত্বাধীন এক বিশাল আৰক্ষী বাহিনীয়ে ৰুবুল হাজৰিকাক লৈ গুৱাহাটী অভিমুখে ৰাওনা হোৱা বুলি জানিব পৰা গৈছে ৷

নলবাৰী,9 অক্টোবৰ: ৰাজ্যৰ শেহতীয়া SI কেলেংকাৰীৰ সৈতে জড়িতৰ অপৰাধত পুনৰ আটক এজন ৷ শুকুৰবাৰে আৰক্ষীৰ ওচৰত আত্মসমৰ্পণ কৰিছে ৰুবুল হাজৰিকা নামৰ লোকজনে ৷

অতিৰিক্ত আৰক্ষী মহাপৰিদৰ্শক জি পি সিঙৰ নেতৃত্বত নলবাৰী আৰক্ষী চাউনিত চলা মাৰাথন জেৰাত আত্মসমৰ্পণ কৰে অভিযুক্ত ৰুবুল হাজৰিকাই ৷ জেৰাৰ অন্তত জি পি সিঙৰ নেতৃত্বাধীন এক বিশাল আৰক্ষী বাহিনীয়ে ধৃত ৰুবুল হাজৰিকাক লৈ গুৱাহাটী অভিমুখে ৰাওনা হয় ৷

উল্লেখ্য যে,নলবাৰীৰ পৰা ইতিমধ্যে কেইবাজনো অভিযুক্তক আটক কৰিবলৈ সক্ষম হৈছে আৰক্ষীয়ে ৷

লগতে পঢ়ক: চি চি টিভি ফুটেজেই কাল হ'ল চাইকেল চোৰৰ বাবে