নলবাৰী, 11 মে' : নলবাৰীত পোহৰলৈ আহিছে জীৱশ্ৰেষ্ঠ মানৱৰ নিকৃষ্ট মানসিকতাৰ প্ৰতিফলন ৷ মঙলবাৰে নিশা জিলাখনৰ ঘগ্ৰাপাৰত উদ্ধাৰ হয় এটি নৱজাতকৰ মৃতদেহ (Body of newborn baby recovered in Nalbari) ৷ এটা পুখুৰীত ওপঙি থকা অৱস্থাত উদ্ধাৰ কৰা হয় অৰ্ধগলিত নৱজাতকৰ মৃতদেহটো ।
ঘটনাক কেন্দ্ৰ কৰি অঞ্চলটোত সৃষ্টি হয় এক হুলস্থূলীয়া পৰিৱেশৰ ৷ তথ্য অনুসৰি, প্ৰথমে স্থানীয় ৰাইজে পানীত ওপঙি থকা অৱস্থাত প্ৰত্যক্ষ কৰে নৱজাতকৰ মৃতদেহটো ৷ তাৰ পাচতেই খবৰ দিয়া হয় আৰক্ষীক ৷ খবৰ পোৱাৰ মাত্ৰেই ঘটনাস্থলীত উপস্থিত হয় ঘগ্ৰাপাৰ আৰক্ষীৰ এটা দল ৷ তাৰ পাচতেই আৰক্ষীৰ দলটোৱে উদ্ধাৰ কৰে নৱজাতকটিৰ মৃতদেহটো (Police recovered dead body of newborn baby) ৷
