নলবাৰী, 23 ডিচেম্বৰঃ এগৰাকী মাতৃৰ হিয়া ভঙা কান্দোন ৷ নিৰুদ্দিষ্ট পুত্ৰৰ সন্ধান নাপাই টুকিছে চকুলো ৷ কামলৈ বুলি ওলাই গৈ বিগত পাঁচদিনে উভতি অহা নাই নলবাৰীৰ চৰিয়া গাঁৱৰ মুনা দাস ৷ সকলোতে বিচাৰ-খোচাৰ কৰিও পোৱা নাই কোনো সম্ভেদ ৷ বৃহস্পতিবাৰেই নলবাৰীৰ ইণ্ডাষ্ট্ৰি চ'কলৈ কাম কৰিব ওলাই যোৱা মুনাৰ নিৰুদ্দেশৰ ঘটনাই দুঃচিন্তাত পেলাইছে পৰিয়ালৰ লোকক ৷
নলবাৰীত সন্ধানহীন যুৱক
ইতিমধ্যে ঘটনা সংক্ৰান্তত পৰিয়ালৰ লোকে আৰক্ষীৰ ওচৰত এজাহাৰ দাখিল কৰিছে যদিও আৰক্ষীয়েও এই পৰ্যন্ত লাভ কৰা নাই কোনো সম্ভেদ ৷ কোনো সদাশয় লোকে যুৱকজনক দেখিলে ৮৮৭৬২৫১০৫৯ নম্বৰত যোগাযোগ কৰিবলৈ আহ্বান জনাইছে পৰিয়ালৰ লোকে ।
লগতে পঢ়ক- ঘণ্টাজোৰা সংবাদমেলত কি কি ক'লে মন্ত্ৰী হিমন্ত বিশ্ব শৰ্মাই !
