উপায়ুক্ত কাৰ্যালয়ৰ নিযুক্তি কেলেংকাৰী সন্দৰ্ভত বিধায়ক অশোক শৰ্মাৰ প্ৰতিক্ৰিয়া

এইয়া সৎ পথেৰে আগবাঢ়িব নোৱাৰা কোনো অসাধু লোকৰ উদ্দেশ্য প্ৰণোদিত কাম বুলি মন্তব্য কৰিছে বিধায়ক অশোক শৰ্মাই ৷ আনহাতে এইয়া দুৰ্নীতি নহয় কেৱল মাত্ৰ যান্ত্ৰিক বিজুতি বুলি দাবী কৰিছে বিধায়ক গৰাকীয়ে ৷

নলবাৰী,9 জানুৱাৰী: নলবাৰীৰ উপায়ুক্তৰ কাৰ্যালয়ত নিযুক্তিত কেলেংকাৰী আৰু ভাইৰেল অডিঅ' সন্দৰ্ভত বিধায়ক অশোক শৰ্মাৰ প্ৰতিক্ৰিয়া প্ৰকাশ ৷ এইয়া সৎ পথেৰে আগবাঢ়িব নোৱাৰা কোনো অসাধু লোকৰ উদ্দেশ্য প্ৰণোদিত কাম বুলি মন্তব্য কৰিছে বিধায়ক অশোক শৰ্মাই ৷ আনহাতে এইয়া দুৰ্নীতি নহয় কেৱল মাত্ৰ যান্ত্ৰিক বিজুতি বুলি দাবী কৰিছে বিধায়ক গৰাকীয়ে ৷ আনহাতে এই বিষয়ত তেওঁ কোনো কাৰণতে জড়িত নহয় বুলি স্পষ্ট কৰিছে বিধায়ক গৰাকীয়ে ৷ মন কৰিবলগীয়া যে,এই বাতৰি প্ৰকাশ কৰা সংবাদ গোষ্ঠীক ইতিকিং সূচক মন্তব্য কৰি সাংবাদিকৰ প্ৰশ্ন এৰাই চলাৰ যত্ন কৰে বিধায়ক গৰাকীয়ে ৷

উল্লেখ্য যে,নলবাৰীৰ উপায়ুক্তৰ কাৰ্যালয়ত নিযুক্তিত কেলেংকাৰী সংঘটিত হোৱা বুলি যুৱ ছাত্ৰ পৰিষদে সংবাদ মেল আয়োজন কৰাৰ পাছতেই উপায়ুক্তৰ কাৰ্যালয়ত হাহাকাৰ পৰিৱেশৰ সৃষ্টি হয় ৷ এই নিযুক্তি কেলেংকাৰীত উপায়ুক্ত পূৰৱী কোঁৱৰৰ নাম সাঙোৰ খোৱাৰ লগতে সাঙুৰ খাইছিল জয়ন্ত মল্ল বৰুৱা আৰু বিধায়ক অশোক শৰ্মাৰ নাম ৷ বিজেপি কৰ্মকৰ্তাৰ পৰিয়ালৰ জিন্টু দাস বৈশ্য নামৰ এগৰাকী মহিলা নিযুক্তি দিয়াৰ সমস্ত প্ৰক্ৰিয়াত নাম সাঙোৰ খাইছে বিধায়ক অশোক শৰ্মাৰ নাম ৷ বক্ৰ পথেৰে অফিচ পিয়নৰ চাকৰি ল'বলৈ চেষ্টা চলোৱা জিন্টু দাস বৈশ্যৰ নিযুক্তি বিসংগতি সন্দৰ্ভত ইতিমধ্যে সংবাদমেলো আয়োজন কৰিছে জিলা উপায়ুক্ত পূৰবী কোঁৱৰে ৷

লগতে পঢ়কঃ নলবাৰীত উপায়ুক্তৰ কাৰ্যালয়ত নিযুক্তি কেলেংকাৰী