বৰক্ষেত্ৰীত মোডী বন্দনাত পঞ্চমুখ মন্ত্ৰী হিমন্ত

হাটখোলাত কুইন ওজাৰ হৈ নিৰ্বাচনী প্ৰচাৰ চলাই বিজেপিয়ে অসমত বিকাশৰ গংগা বোৱাই আনিবলৈ সক্ষম হৈছে বুলি মন্তব্য হিমন্ত বিশ্ব শৰ্মাৰ

নলবাৰী, 17 এপ্ৰিল : নৰেন্দ্ৰ মোডীক দুৰ্বল কৰিবলৈ কংগ্ৰেছে ষড়যন্ত্ৰ কৰিছে ৷ ভাৰতবৰ্ষ বিশ্বগুৰু হওক সেইয়া কংগ্ৰেছে বিচৰা নাই, কংগেছে ভাৰতক কাপুৰুষৰ ৰাষ্ট্ৰ হিচাপে গঢ়ি তুলিছে ৷ নৰেন্দ্ৰ মোডী ডাঙৰীয়াই ভাৰতবৰ্ষক বিশ্ব গুৰুৰ আসনলৈ লৈ যাবলৈ প্ৰস্তুতি কৰিছে ৷ সেয়েহে নৰেন্দ্ৰ মোডীক বিজয়ৰ পথলৈ লৈ যাব লাগিব ৷

বুধবাৰে নলবাৰীৰ বিজুলীঘাটৰ পৰা পদযাত্ৰা কৰি কালাগ হাটখোলাত কুইন ওজাৰ হৈ নিৰ্বাচনী প্ৰচাৰ চলাই মোডী বন্দনাত পঞ্চমুখ হৈ পৰে মন্ত্ৰী হিমন্তৰ বিশ্ব শৰ্মা ৷ লগতে বিজেপিৰ কাৰ্যকালতে অসমত বিজেপিয়ে বিকাশৰ গংগা বোৱাই আনিবলৈ সক্ষম হৈছে বুলিও মন্তব্য কৰে মন্ত্ৰীগৰাকীয়ে ৷