নলবাৰী, 13 নৱেম্বৰঃ ঐতিহাসিক 86 সংখ্যক নলবাৰী ৰাস মহোৎসৱৰ লগত সংগতি ৰাখি উদ্বোধন কৰা হ’ল ৰাস মহোৎসৱৰ চতুৰ্থ বাৰ্ষিক গ্ৰন্থ মেলা ৷ উক্ত গ্ৰন্থমেলাখন আনুষ্ঠানিকভাৱে উদ্বোধন কৰে অসমৰ বিশিষ্ট শিক্ষাবিদ তথা ডাউন টাউন বিশ্ববিদ্যালয়ৰ উপাচাৰ্য ড৹ অমৰজ্যোতি চৌধুৰীয়ে । গ্ৰন্থমেলাৰ দ্বাৰ উদ্বোধন কৰি ড৹ অমৰজ্যোতি চৌধুৰীয়ে কয় যে "জ্ঞান সমৃদ্ধ এটা জাতিয়েহে মূৰ ডাঙি জীয়াই থাকিব পাৰে । নলবাৰীৰ ৰাইজে সদায় এক নতুন মন লৈ নতুনৰ বাৰ্তা জনাই আহিছে |" কেইবাখনো গ্ৰন্থ বিপণিৰে সমৃদ্ধ এই গ্ৰন্থমেলাৰ জৰিয়তে ৰাস ক্ৰীড়া ৰসৰ লগতে গ্ৰন্থৰো ৰস প্ৰদান কৰিবলৈ ৰাস মহোৎসৱ উদযাপন সমিতিয়ে এক সুন্দৰ পদক্ষেপ গ্ৰহণ কৰা বুলি প্ৰসংশা কৰে উপাচাৰ্যগৰাকীয়ে ৷
উক্ত উদ্বোধনী অনুষ্ঠানত আছাম ট্ৰিবিউনৰ জ্যেষ্ঠ সাংবাদিক পাৰ্থ প্ৰতিম হাজৰিকা, মাধ্যমিক শিক্ষা পৰিষদৰ অধ্যক্ষ ৰমেশ চন্দ্ৰ জৈন, ৰাস মহোৎসৱ উদযাপন সমিতিৰ সম্পাদক সুবোধ ডেকা আদি কেইবাজনো বিশিষ্ট ব্যক্তি উপস্থিত থাকে ৷
