নলবাৰী, 5 জুন : শনিবাৰে নলবাৰীত উপস্থিত হল অসম আৰক্ষীৰ বিশেষ আৰক্ষী সঞ্চালক প্ৰধান জি পি সিং । শুকুৰবাৰে ডকাইত গুলিবিদ্ধ হোৱা ঘটনাৰ বুজ ল’বলৈ উপস্থিত হ’ল অসম আৰক্ষীৰ উচ্চ পৰ্যায়ৰ বিষয়া জন । নলবাৰী সদৰ থানাত উপস্থিত হৈ নলবাৰী আৰক্ষীৰ দুঃসাহসিক কাৰ্যৰ উচ্চ প্ৰশংসা কৰে সঞ্চালক প্ৰধানগৰাকীয়ে ।
নলবাৰীত উপস্থিত হৈ ডকাইতৰ লগত দুঃসাহসিক অভিযান চলোৱা আৰক্ষীক পুৰস্কৃতও কৰে জি পি সিঙে । নগদ ধনৰে পুৰস্কৃত কৰে অভিযানত থকা আটাইকেইজন কনিষ্টবলক । অভিযানত নেতৃত্ব দিয়া আটাইকেইজন বিষয়াক সাহসিকতাৰ পুৰস্কাৰ দিয়া হ’ব বুলিও মন্তব্য কৰে জি পি সিঙে । এইদৰে আৰক্ষীক পুৰস্কৃত কৰাৰ পিছতে -কোনো অপৰাধীক সাৰি যাবলৈ দিয়া নহ’ব বুলি হুংকাৰ দিয়ে জি পি সিঙে ।
অপৰাধীক কঠোৰ সকীয়নি প্ৰদান কৰি জি পি সিঙে কয় -অপৰাধীৰ বিৰুদ্ধে আৰক্ষীৰ ধাৰাবাহিক অভিযান চলি থাকিব । অতিশীঘ্ৰেই আবু বক্কৰ ছিদ্দিকৰ গেঙৰ পলাতক সদস্য কেইজনকো কৰায়ত্ত কৰা হ’ব বুলিও মন্তব্য কৰে জি পি সিঙে । ইফালে ড্ৰাগছৰ সম্পৰ্কত মন্তব্য কৰি জি পি সিঙে কয় যে ড্ৰাগছৰ বিৰুদ্ধে অসম আৰক্ষীৰ অভিযান কঠোৰভাবে চলি থাকিব ।
লগতে পঢ়ক:বৰপেটাৰোডত তেল চোৰ গ্ৰেপ্তাৰ
