কলিয়াবৰ, 13 ফেব্ৰুৱাৰী: কলিয়াবৰত একেটা দিনটেই সংঘটিত দুটা পৃথক পথ দুৰ্ঘটনাত দুগৰাকী লোক নিহত ৷ ট্ৰেক্টৰৰ খুন্দাত এজন মটৰচাইকেল আৰোহীৰ মৃত্যু হোৱাৰ বিপৰীতে পুৱাৰ ভাগত সংঘটিত অন্য এক দুৰ্ঘটনাত এগৰাকী বন সুৰক্ষা বাহিনীৰ জোৱান নিহত হয় ৷
অভিযোগ অনুসৰি কলিয়াবৰৰ পথত দিনকদিনে বাঢ়িছে ট্ৰেক্টৰৰ দৌৰাত্ম্য ৷ তীব্ৰবেগী ট্ৰেক্টৰৰ খুন্দাতেই বাঘৰচুক গাঁৱৰ প্ৰশান্ত শইকীয়া নামৰ লোকজনে শনিবাৰে মৃত্যুক সাৱতে ৷ তীব্ৰবেগী ট্ৰেক্টৰখনে মটৰচাইকেল আৰোহীজনক সন্মুখৰ পৰা মহতিয়াই নিয়াৰ ফলতে কলিয়াবৰৰ চামধৰা গাঁৱত সংঘটিত শোকাৱহ দুৰ্ঘটনাটো সংঘটিত হয় ৷
দুৰ্ঘটনাত পতিত মটৰচাইকেল খনৰ নম্বৰ AS12 G 9152 বুলি জানিব পৰা গৈছে ৷ উল্লেখ্য যে পুৱাৰ ভাগত সংঘটিত অন্য এক দুৰ্ঘটনাত এগৰাকী বন সুৰক্ষা বাহিনীৰ জোৱান নিহত হৈছিল ৷
লগতে পঢ়ক: শোকাকুল পৰিবেশৰ মাজতে হাজোৰ বাসগৃহ পালেহি কৃষ্ণ বৈশ্যৰ মৃতদেহ
