নগাঁও, 6 মে': বুধবাৰে নিশা নগাঁৱৰ টুকটুকী বড়িবজাত সংঘটিত হয় বিধ্বংসী অগ্নিকাণ্ড । অগ্নিকাণ্ডৰ ফলত তিনিখনকৈ দোকান সম্পূৰ্ণৰূপে ভষ্মীভূত হোৱাৰ লগতে প্ৰায় ২০ লক্ষাধিক টকাৰ সম্পত্তি জাহ যায় অগ্নিকাণ্ডত ।
সান্ধ্য আইন বলবৎ হৈ থকাৰ সময়তে ব্যৱসায়িক প্ৰতিষ্ঠানত সংঘটিত হোৱা অগ্নিকাণ্ডত এখন কাপোৰ দোকান এখন গেলামাল দোকান,এখন হোটেল সম্পূৰ্ণৰূপে ভস্মীভূত হয় । নগাঁৱৰ ইনতাজ আলী, মুজাম্মিল হক আৰু ফজৰ আলী ক্ৰমে অগ্নিকাণ্ডত ভষ্মীভূত হোৱা দোকানকেইখনৰ স্বাত্বাধিকাৰী ৷
উল্লেখ্য যে, স্থানীয় ৰাইজ আৰু অগ্নিনিৰ্বাপক বাহিনীৰ তৎপৰতাত জুই নিৰ্বাপন কৰাৰ ফলতে অঞ্চলটোৰ আন আন দোকান কেইখন ৰক্ষা পৰে ৷ অৱশ্যে অগ্নিকাণ্ডৰ প্ৰকৃত কাৰণ জানিব পৰা নাই যদিও বিদ্যুতিক শ্বৰ্ট চাৰ্কিটৰ ফলতে অগ্নিকাণ্ডটো সংঘটিত হোৱা বুলি উল্লেখ্য কৰিছে একাংশ লোকে ৷
লগতে পঢ়ক: আই পি এলৰ জুৱাই কাল হ’ল নেকি মহিলাৰ ?
