নগাঁও, 18 ডিচেম্বৰ: অপৰাধৰ বিৰুদ্ধে নগাঁও আৰক্ষীৰ আন এক সফলতা (Operation against crime in Nagaon) । অপৰাধ নিয়ন্ত্ৰণ শাখাৰ অতিৰিক্ত আৰক্ষী অধীক্ষক ৰূপজ্যোতি কলিতাৰ নেতৃত্বত অব্যাহত অপৰাধ বিৰোধী অভিযানৰ মাজতে জালত পৰিছে সজীৱ গুলী, বৃহৎ চোকা অস্ত্ৰ, চুৰি সামগ্ৰীসহ গভাইত চোৰ । আন বহুকেইটা চুৰিৰ লিংক বিচাৰি অনুসন্ধান অব্যাহত নগাঁও আৰক্ষীৰ (Thief arrested in Nagaon)।
জিলাখনত বিগত কিছুদিন ধৰি চুৰি, ডকাইতিকে ধৰি বিভিন্ন অপৰাধ বৃদ্ধি পোৱাৰ সময়তে নগাঁৱত নতুনকৈ যোগদান কৰা অপৰাধ শাখাৰ অতিৰিক্ত আৰক্ষী অধীক্ষক ৰূপজ্যোতি কলিতাৰ নেতৃত্বত আৰম্ভ হৈছে অপৰাধ বিৰোধী অভিযান । নগাঁৱৰ ধিং সমষ্টিৰ প্ৰাক্তন বিধায়ক মোবাৰক আলী পাঠানৰ বাসগৃহত সংঘটিত ডকাইতি কাণ্ডত জড়িত তিনিটাকৈ কুখ্যাত ডকাইতক আটক কৰাৰ পিছত অতিৰিক্ত আৰক্ষী অধীক্ষক ৰূপজ্যোতি কলিতাৰ নেতৃত্বত নগাঁও আৰক্ষীয়ে চোৰৰ বিৰুদ্ধেও লাভ কৰিছে আন এক সফলতা (Robbery in Nagaon)।
পূৰ্বে নগাঁও আৰক্ষীয়ে আটক কৰা এটা চোৰৰ লিংকত অনুসন্ধান চলাই শনিবাৰে নিশা আব্দুল মন্নান নামৰ এটা গভাইত চোৰক আটক কৰিবলৈ সক্ষম হয় ।
কেইদিনমান পূৰ্বে নগাঁৱৰ সমাজ কল্যাণ বিভাগৰ এটা কাৰ্যালয়ত সংঘটিত চুৰি কাৰ্যৰ সৈতে ধৃত আব্দুল মন্নান জড়িত থকাৰ তথ্য লাভ কৰিছে নগাঁও আৰক্ষীয়ে । ধৃত আব্দুল মন্নানৰ পৰা আৰক্ষীয়ে এটা সজীৱ গুলীৰ লগতে চুৰি কাৰ্যত ব্যৱহৃত কেইবাটাও চোকা অস্ত্ৰ জব্দ কৰিবলৈ সক্ষম হয় নগাঁও আৰক্ষী । লগতে ধৃত গভাইত চোৰ আব্দুল মন্নানৰ পৰা কিছু চুৰি সামগ্ৰীও জব্দ কৰে আৰক্ষীয়ে (Nagaon Police against crime) ।
সম্প্ৰতি আব্দুল মন্নানক অধিক তথ্যৰ বাবে জেৰা অব্যাহত ৰাখিছে নগাঁও আৰক্ষীয়ে । নগাঁৱত সংঘটিত আন বহুতো চুৰি কাণ্ডৰ তথ্য আব্দুল মন্নানৰ পৰা লাভ কৰাৰ সম্ভাৱনা আছে ।
স্মৰ্তব্য যে, অপৰাধ নিয়ন্ত্ৰণত ব্যৰ্থ হোৱা নগাঁও আৰক্ষীৰ অপৰাধ নিয়ন্ত্ৰণ শাখাৰ অতিৰিক্ত আৰক্ষী অধীক্ষক হিচাপে যোগদান কৰাৰ পিছত অপৰাধীৰ বিৰুদ্ধে অভিযান অব্যাহত ৰাখিছে ৰূপজ্যোতি কলিতাই । অৱশ্যে অপৰাধীৰ ঘাটিত পৰিণত হোৱা নগাঁৱৰ অপৰাধ নিয়ন্ত্ৰণত কিমান সফল হয় সেয়া সময়তহে লক্ষণীয় হ'ব ।
লগতে পঢ়ক: Arrested robbers gang : তিনিচুকীয়া আৰক্ষীৰ জালত পৰিল ১০ জনীয়া ডকাইতৰ দল
