কলিয়াবৰ, ২৮ জানুৱাৰী: বাসগৃহ, দোকান, মন্দিৰৰ পিছত এইবাৰ পথৰ দাঁতিত থকা মাদ্ৰাছাৰ দানপাত্ৰৰ ধন লুটি নিলে গভাইত চোৰে । কলিয়াবৰৰ কুঁৱৰীটোল চাৰিআলিত কুঁৱৰীটোল-শিলঘাট সংযোগী গড়কাপ্তানী পথৰ কাষতে ৰখা হৈছিল চোবাহী মাদ্ৰাছাৰ এটি দানপাত্ৰ । বুধবাৰে চোৰে দানপাত্ৰৰ তলা ভাঙি লৈ গ'ল ৰাইজে বৰঙণি হিচাপে আগবঢ়োৱা ধন । কেৱল কেইটামান খুচুৰা পইচা এৰি থৈ গ'ল গভাইত চোৰে ।
চোবাহী মাদ্ৰাছাৰ দানপাত্ৰৰ তলা ভাঙি চোৰে লুটি নিলে ধন
অৱশ্যে চোৰে লুটি নিয়া ধনৰ পৰিমাণ কিমান আছিল সেই বিষয়ে জানিব পৰা হোৱা নাই । আনহাতে, এই দুষ্কাৰ্যক গৰিহণা দিছে মাদ্ৰাছা পৰিচালনা সমিতিয়ে । এনে কাম পুনৰ নকৰিবলৈও চোৰক সকিয়াই দিলে স্থানীয় ৰাইজে ।
লগতে পঢ়ক:আজি ঐতিহাসিক পথৰুঘাটৰ কৃষক শ্বহীদ দিৱস
