চামগুৰি, 4 মাৰ্চ: চামগুৰিৰ শালনা আৰক্ষী চকীৰ অন্তৰ্গত সোণাজুৰিৰ শিলৰ কুঁৱেৰীত উদ্ধাৰ হৈছে সন্ধানহীন হোৱা এজন লোকৰ মৃতদেহ ৷ যোৱা বুধবাৰে দুপৰীয়া বোলাৰাম ওৰাং নামৰ এজন লোক ন-পানীস্থিত শিলৰ কুঁৱেৰী এটাৰ দ-পুখুৰীত পৰি সন্ধানহীন হৈ আছিল । ঘটনাৰ খবৰ লাভ কৰি ঘটনাস্থলীত আৰক্ষী আৰু এছডিআৰএফ বাহিনী উপস্থিত হৈ উদ্ধাৰ অভিযান আৰম্ভ কৰে যদিও সন্ধিয়া আন্ধাৰ নামি অহাত আধাতে উদ্ধাৰ অভিযান সামৰে ।
যাৰ পাছতে বৃহস্পতিবাৰে পুনৰ আৰক্ষীসহ এছ ডি আৰ এফ বাহিনীয়ে উদ্ধাৰ অভিযান চলোৱাত সন্ধানহীন লোকজনৰ মৃতদেহ উদ্ধাৰ কৰিবলৈ সক্ষম হয় । ইতিমধ্যে আৰক্ষীয়ে মৃতদেহটো মৰণোত্তৰ পৰীক্ষাৰ বাবে নগাঁও অসামৰিক চিকিৎসালয়লৈ প্ৰেৰণ কৰিছে বুলি জানিব পৰা গৈছে ।
লগতে পঢ়ক: অনুৰাগ কাশ্যপ আৰু তাপস্বী পান্নুৰ ঘৰত আয়কৰ বিভাগৰ অভিযান
