নগাঁও, 13 মাৰ্চ : যুদ্ধবিধ্বস্ত ইউক্ৰেইনত(Russia Ukraine crisis) আৱদ্ধ অসম তথা ভাৰতৰ বহু ছাত্ৰ ছাত্ৰীক উদ্ধাৰ কৰিলে চৰকাৰে। চৰকাৰৰ সহযোগত ইউক্ৰেইনৰ ভয়াৱহ পৰিস্থিতিৰ মাজেৰেই অসমত উপস্থিত হ'ল চিকিৎসা বিজ্ঞানৰ বহু ছাত্ৰ-ছাত্ৰী(Government rescue students who stuck in Ukraine) ।
ইফালে, শনিবাৰে নিশা ইউক্ৰেইনৰ পৰা নিজ বাসগৃহত উপস্থিত হ'ল নগাঁৱৰ দক্ষিণপাটৰ এগৰাকী ছাত্ৰ । দক্ষিণপাটৰ কাশ্যপ পিনাকী ৰঞ্জনে নিজৰ বাসগৃহত উপস্থিত হৈ সংবাদ মাধ্যমৰ সন্মুখত ব্যক্ত কৰিলে নিজ চকুৰে দেখা ইউক্ৰেইনৰ ভয়াৱহ পৰিস্থিতি(Nagaon Student Kashyap Pinaki Ranjan present at home)।
এক অকল্পনীয় পৰিস্থিতিৰ মাজেৰে অসম তথা কেন্দ্ৰীয় চৰকাৰৰ সহযোগত নিজ গৃহত উপস্থিত হোৱাৰ অভিজ্ঞতাও সংবাদ মাধ্যমৰ সন্মুখত বৰ্ণনা কৰিলে নগাঁৱৰ ছাত্ৰগৰাকীয়ে। উল্লেখ্য যে, ইউক্ৰেইনৰ লগতে আন দেশৰ ছাত্ৰ ছাত্ৰীসকলক উদ্ধাৰৰ বাবে কেন্দ্ৰীয় চৰকাৰে গ্ৰহণ কৰা পদক্ষেপৰ বাবে চৰকাৰক ধন্যবাদ জ্ঞাপন কৰে নগাঁৱৰ ছাত্ৰ কাশ্যপ পিনাকী ৰঞ্জনে।
