কলিয়াবৰ, 4 আগষ্ট: কলিয়াবৰৰ কুঠৰী ন-জানত চাঞ্চল্যকৰ ঘটনা । শৌচাগাৰৰ গাঁতত উদ্ধাৰ হ'ল এজন পুৰুষৰ কংকাল(One person skeleton Recovered at Kaliabor) । কংকালটো ২নং ন-জানৰ উমেশ বৰাৰ বুলি সন্দেহ কৰা হৈছে । লোকজনৰ ঘৰৰ চৌহদৰ শৌচাগাৰৰ গাঁততে উদ্ধাৰ হৈছে কংকালটো(Skeleton Recovered at Kaliabor) ।
উল্লেখ্য যে, তিনিমাহ ধৰি সন্ধানহীন হৈ আছিল উমেশ বৰা নামৰ লোকজন । ইফালে, স্বামী নিৰুদ্দেশ হোৱাত পত্নীয়ে খবৰ দিছিল আৰক্ষীক । ইয়াৰ পিছতেই কলিয়াবৰৰ বাগৰি আৰক্ষীয়ে আৰম্ভ কৰে তদন্ত । আৰক্ষীৰ প্ৰাথমিক তদন্তত পত্নীয়ে মজিবুৰ ৰহমান নামৰ এজনৰ লগত লগ হৈ স্বামী উমেশ বৰাক হত্যা কৰি শৌচাগাৰৰ গাঁতত পুতি থোৱাৰ সন্দেহ প্ৰকাশ কৰে আৰক্ষীয়ে ।
বাগৰি আৰক্ষীয়ে ইতিমধ্যে মহিলাগৰাকীৰ লগতে মজিবুৰ ৰহমানকো সোধা-পোছাৰ বাবে আটক কৰিছে । বৃহস্পতিবাৰে বিয়লি ঘটনাস্থলীত আৰক্ষীৰ লগতে কাৰ্যবাহী দণ্ডাধীশ উপস্থিত হৈ শৌচাগাৰৰ টেংকীৰ পৰা কংকালটো উদ্ধাৰ কৰি তদন্ত অব্যাহত ৰাখিছে । কংকালটো নিৰুদিষ্ট উমেশ বৰাৰ বুলি সন্দেহ কৰাৰ লগতে পৰকীয়া প্ৰেমৰ পৰিণতিতে হত্যাকাণ্ড সংঘটিত হোৱা বুলি সন্দেহ কৰিছে আৰক্ষী আৰু স্থানীয় ৰাইজে ।
লগতে পঢ়ক : Stabbing in Guwahati: কাজিয়াৰ মাজতে চেম্পিয়নে ছুৰীৰে হানিলে বন্ধু দীপকক
