চামগুৰি, ২৮ ডিচেম্বৰ: সোমবাৰে নগাঁৱৰ পুৰণিগুদামত সংঘটিত হয় এক শোকাৱহ দুৰ্ঘটনা । পুৰণিগুদামৰ ন আলিমূৰত বৰ মছজিদৰ সন্মুখত সোমবাৰে বিয়লি এখন তীব্ৰ বেগী ডাম্পাৰে মহতিয়াই নিলে এজন বাইক আৰোহীক । নিহত বাইক আৰোহীজন চামগুৰিৰ ভগামূৰৰ মকবুল হুছেইন । মকবুলৰ মৃত্যুৰ পিছতে এতিয়া শোকাকুল পৰিৱেশৰ সৃষ্টি হৈছে ভগামূৰত । আনহাতে, দুৰ্ঘটনা সংঘটিত কৰিয়েই ৰাজপথতে ডাম্পাৰ এৰি পলায়ন কৰে ডাম্পাৰ চালকজনে ।
পিছত ঘটনাস্থলীত পুৰণিগুদাম আৰক্ষী উপস্থিত হৈ মকবুল হুছেইনৰ মৃতদেহ উদ্ধাৰ কৰে । ইফালে, দুৰ্ঘটনা সংঘটিত হোৱাৰ পিছে ৰাজপথত তীব্ৰ যানজঁটৰ সৃষ্টি হয় । এতিয়াও আৰক্ষীয়ে দুৰ্ঘটনা সংঘটিত কৰা AS-01DD-1502 নম্বৰৰ ডাম্পাৰখনৰ চালকজনক কৰায়ত্ত কৰিবলৈ সক্ষম হোৱা নাই ।
লগতে পঢ়ক:ধেমাজিত কংগ্ৰেছৰ দলীয় সভা
