নগাঁও, 17 নৱেম্বৰ: নগাঁৱৰ পুৰণিগুদামৰ ৰিলায়েঞ্চ পেট্ৰ'ল পাম্পত পুৱতি নিশা সংঘটিত হয় চাঞ্চল্যকৰ ডকাইতি কাণ্ড । অস্ত্ৰধাৰী দুৰ্বৃত্তৰ দলে লুটপাট চলালে পেট্ৰ'ল পাম্পটোত । উজনিমুৱা ৰাষ্ট্ৰীয় ঘাইপথৰ কাষৰ পেট্ৰল পাম্পটোত থকা কৰ্মচাৰীৰ মূৰত পিষ্টল টোঁৱাই লুটপাত কৰিলে ডকাইতৰ দলে । বাইকত আহিছিল দুৰ্বৃত্তৰ দলটো । প্ৰথমে দুখন পালচাৰ বাইকত অহা চাৰিজনীয়া দলে বাইকত ভৰাইছিল পেট্ৰল । দ্বিতীয়খন বাইকত পেট্ৰল দিয়াৰ সময়তে পিষ্টল উলিয়াই কৰ্মচাৰীক প্ৰদান কৰে ভাবুকি । পেট্ৰল পাম্পটোত একপ্ৰকাৰ তাণ্ডৱ চলালে দুৰ্বৃত্তৰ দলটোৱে । ভাঙি লণ্ডভণ্ড কৰিলে বহু আচবাব । লুটি নিলে বিভিন্ন সামগ্ৰীসহ নগদ ধন । দুটাকৈ কম্পিউটাৰ, চি চি টিভি কেমেৰা আৰু ডি ভি আৰ ছেটসহ লক্ষাধিক টকা লুটপাত কৰিলে দলটোৱে ।
পুৰণিগুদামত চাঞ্চল্যকৰ ডকাইতি কাণ্ড
