নগাঁও,13 ফেব্ৰুৱাৰী: কলিয়াবৰত শনিবাৰে সেনাৰ বাহনে মহতিয়াই নিলে এগৰাকী স্কুটি আৰোহীক ৷ এই দুৰ্ঘটনাত থিতাতে নিহত হয় দুগৰাকী ২য় অসম বন সুৰক্ষা বাহিনীৰ জোৱান ৷ উল্লেখ্য যে, AS 03 AB 1882 নম্বৰৰ স্কুটিৰে ঘৰৰ সকামলৈ বুলি গৈ থকাৰ সময়তে বিপৰীত দিশৰ পৰা অহা এখন সেনা বাহিনীৰ বাহনে মহতিয়াই নি অন্য এখন বলেৰ’ বাহনত খুন্দিয়ায় । ফলত ঘটনাস্থলীতে নিহত হয় কলিয়াবৰৰ বামুণীৰ জোৱেল সিং তেৰণ (৩৫) নামৰ ব্যক্তিগৰাকী ৷
মৃত লোকজন কাজিৰঙা ৰাষ্ট্ৰীয় উদ্যানৰ কলিয়াবৰৰ অন্তৰ্গত বুঢ়াপাহাৰ বনাঞ্চলৰ ডিফলু বন শিবিৰত কৰ্মৰত আছিল । বৰ্তমান জখলাবন্ধা আৰক্ষীয়ে ঘটনা সন্দৰ্ভত আৰম্ভ কৰিছে তদন্ত প্ৰক্ৰিয়া ।
