নগাঁও, ২৭ জুনঃ নগাওঁ জিলা বন বিভাগে লাওখোৱা অভয়াৰণ্যত গঁড়ৰ কংকাল উদ্ধাৰ হোৱা ঘটনাৰ তদন্ত অব্যাহত ৰাখিছে । লাওখোৱা অভয়াৰণ্যৰ একমাত্ৰ গঁড়টো হত্যা কৰি চোৰাং চিকাৰীয়ে কাটি নিছিল খড়্গ । আঠ মাহ পূৰ্বে সংঘটিত হোৱা ঘটনা গাপ দিয়াৰ চেষ্টা কৰা হৈছিল যদিও নতুনকৈ যোগদান কৰা বন্য প্ৰাণী সংমণ্ডল বিষয়া টি চি ৰঞ্জিতৰ নেতৃত্বত বন বিভাগৰ এটা দলে তদন্ত চলায় পোহৰলৈ আনে সমগ্ৰ ঘটনা । বুধবাৰে এই ঘটনাৰ সৈতে জড়িত নগাঁৱৰ গঢ়াজান ফুটলজাৰৰ আক্কাছ আলী নামৰ এজন লোকক গ্ৰেপ্তাৰ কৰিবলৈ সক্ষম হয় বন বিভাগৰ লোকে । ইতিমধ্যে ঘটনা সন্দৰ্ভত ধৃত আক্কাছ আলীক বন বিভাগৰ লোকে অব্যাহত ৰাখিছে মাৰাথান জেৰা ।
লগতে আন এটা বাতৰি- দুদিনত শিৱসাগৰৰ পৰা আটক চাৰি ড্ৰাগছ সৰবৰাহকাৰী
