নগাঁও, 15 চেপ্তেম্বৰ: মাইক্ৰ'ফাইনেঞ্চৰ ঋণ মুক্তিৰ দাবীৰে নগাঁৱত প্ৰতিবাদত বহিল গ্ৰামীণ শ্ৰমিক সন্থা আৰু মাইক্ৰ' ফাইনেঞ্চ শোষণ বিৰোধী মঞ্চ ৷ ক'ৰণাসৃষ্ট পৰিৱেশৰ বাবে মাইক্ৰ'ফাইনেঞ্চৰ ঋণ পৰিশোধ কৰিবলৈ অপাৰগ হোৱাত মঙলবাৰে নগাঁৱত সদৌ অসম গ্ৰামীণ শ্ৰমিক সন্থা আৰু মাইক্ৰ'ফাইনেঞ্চ শোষণ বিৰোধী যৌথ সংগ্ৰামী মঞ্চই প্ৰতিবাদ সাব্যস্ত কৰে ৷
নগাঁও কলেজ পইণ্টত চৰকাৰ বিৰোধী শ্লোগানেৰে ঋণ মুক্তিৰ দাবী জনোৱা প্ৰতিবাদকাৰী সকলৰ যুক্তি দৰ্শাই কয় যে ক'ৰণাসৃষ্ট পৰিৱেশৰ বাবে তেওঁলোকে কোনোধৰণৰ ব্যৱসায় বাণিজ্য কৰিব পৰা নাই ৷ সেয়ে তেওঁলোকৰ ঋণ মাফ হব লাগে ৷
কেন্দ্ৰত শাসনাধিষ্ঠ বিজেপি চৰকাৰৰ বিৰুদ্ধে সোচ্চাৰ হৈ পৰাৰ উপৰিও প্ৰতিবাদকাৰীসকলে আগন্তুক বাজেট অধিৱেশনত মাইক্ৰ'ফাইনেঞ্চৰ ঋণ মুক্তিৰ দাবী জনাই ৷ সংগঠন দুটাৰ অভিযোগ ঋণ দিয়াৰ নামত একাংশ মাইক্ৰ'ফাইনেঞ্চ কোম্পানীয়ে দৰিদ্ৰ জনতাক শোষণ, অত্যাচাৰ কৰি আহিছে ৷
লগতে পঢ়ক: নগাঁৱত এআইইউডিএফৰ সভাত দুই ফৈদৰ মাজত প্ৰচণ্ড মাৰপি
