কলিয়াবৰ, 28 আগষ্ট: ফ'ৰলেনযুক্ত পথ নিৰ্মাণত ৰৈ যোৱা বিভিন্ন আসোঁৱাহ সমুহ দুৰীকৰণৰ দাবীত কলিয়াবৰৰ 37 নং ৰাষ্ট্ৰীয় ঘাইপথত পথ অৱৰোধ ৷ আসোঁৱাহ সমুহ শীঘ্ৰে সমাধান কৰাৰ দাবীৰে প্ৰায় আধা ঘন্টা সময় অৱৰোধ কাৰ্যসূচীৰ ৰূপায়ন কৰে কলিয়াবৰ ফ'ৰলেনযুক্ত পথ উন্নয়ন দাবী সমিতিয়ে ৷ যাৰ বাবে ৰাষ্ট্ৰীয় ঘাইপথটোত সৃষ্টি হয় তীব্ৰ যান-জঁটৰ ৷
উল্লেখ্য যে, কলিয়াবৰ তিনিআলিত নিৰ্মাণ হোৱা চাৰি ফ'ৰলেনযুক্ত পথৰ কাষত উপ পথ নিৰ্মাণ আৰু নলাৰ ব্যৱস্থাৰ দাবী কৰিছিল স্থানীয় ৰাইজ তথা কলিয়াবৰ ফ'ৰলেনযুক্ত পথ উন্নয়ন দাবী সমিতিয়ে ৷ কিন্তু বহুবাৰ দাবী জনোৱাৰ পাছতো দাবী সমুহ পুৰণ নকৰাৰ অভিযোগ ৰাইজৰ ৷ যাৰ বাবে উপায়ন্তৰ হৈ ৰাষ্ট্ৰীয় ঘাই পথ অৱৰোধ কৰিছে স্থানীয় জনসাধাৰণে ৷ ৰাইজৰ দাবী সমুহ পুৰণ নকৰা পৰ্যন্ত পথটো নিৰ্মাণ হবলৈ নিদিয়াৰ হুংকাৰ দিছে স্থানীয় ৰাইজে ৷
লগতে পঢ়কঃ তিনিখনকৈ শান্তি চুক্তিয়েও শান্তি ঘূৰাই আনিব নোৱাৰিলে বড়োভূমিলৈ
