গোলাঘাট, 26 নৱেম্বৰঃ খুমটাইৰ ঐতিহ্যমণ্ডিত বেতিয়নি উচ্চতৰ মাধ্যমিক বিদ্যালয়ত উত্তপ্ত পৰিস্থিতি ৷ ছাত্ৰীক অশালীন প্ৰস্তাৱ দিয়াৰ অভিযোগ উত্থাপন হৈছে বিদ্যালয়খনৰ অধ্যক্ষৰ বিৰুদ্ধে ৷ উল্লেখ্য যে, শনিবাৰে বিদ্যালয়খনৰ এগৰাকী ছাত্ৰীক বিদ্যালয়খনৰ অধ্যক্ষ বিপুল ভাগৱতীয়ে অশালীন প্ৰস্তাৱ দিয়াৰ অভিযোগ উত্থাপন কৰে ছাত্ৰীগৰাকীয়ে ৷ আনহাতে,ভুক্তভোগী ছাত্ৰীগৰাকীৰ মাতৃৰ লগতে স্থানীয় ৰাইজৰ অভিযোগ অধ্যক্ষগৰাকীয়ে ইয়াৰ পূৰ্বেও অনুৰূপ ঘটনা সংঘটিত কৰিছে ৷
উক্ত ঘটনাক কেন্দ্ৰ কৰি সম্প্ৰতি বিদ্যালয়খনত এক প্ৰকাৰৰ চাঞ্চল্যকৰ পৰিৱেশৰ সৃষ্টি হৈছে ৷ ইয়াৰ প্ৰতিবাদত মঙলবাৰে বিদ্যালয়খনৰ ছাত্ৰ-ছাত্ৰীসকলে শ্ৰেণী বৰ্জন কাৰ্যসূচী ৰূপায়ণ কৰে ৷ বিদ্যালয়খনৰ ছাত্ৰ একতা সভা,বিদ্যালয় পৰিচালনা সমিতি,স্থানীয় লোককে ধৰি আছুৱেও অধ্যক্ষগৰাকীৰ বিৰূদ্ধে শাস্তিমূলক প্ৰস্তাৱৰ দাবী উত্থাপন কৰিছে ৷ অধ্যক্ষগৰাকীৰ বিৰুদ্ধে বিভাগীয় কতৃপক্ষই কোনোধৰণৰ পদক্ষেপ গ্ৰহণ নকৰিলে তীব্ৰ আন্দোলনৰ হুংকাৰ প্ৰদান কৰে বিদ্যালয় ছাত্ৰ একতা সভাৰ সাধাৰণ সম্পাদকগৰাকীয়ে ৷
আৰু পঢ়ক- নগাঁও আৰক্ষীৰ সফলতা : বৃহৎ পৰিমাণৰ অস্ত্ৰসহ আটক ডকাইতৰ দল
