কলিয়াবৰত আটক চোৰাং চিকাৰী

মহকুমা আৰক্ষী বিষয়া মৃন্ময় দাসৰ নেতৃত্বত গ্ৰেপ্তাৰ কৰিবলৈ সক্ষম হয় চোৰাং চিকাৰীটো । আমনিৰ পৰা মশ্ৰুফ আলি ওৰফে মামাক গ্ৰেপ্তাৰ ৷

নগাঁও, 9 জুন: কলিয়াবৰ আৰক্ষীৰ জালত পৰিল আন এক গঁড় চোৰাং চিকাৰী আৰু অবৈধ মাৰণাস্ত্ৰ ব্যৱসায়ী ৷ মহকুমা আৰক্ষী বিষয়া মৃন্ময় দাসৰ নেতৃত্বত গ্ৰেপ্তাৰ কৰিবলৈ সক্ষম হয় চোৰাং চিকাৰীটো । আমনিৰ পৰা মশ্ৰুফ আলি ওৰফে মামাক এক অভিযানত গ্ৰেপ্তাৰ কৰা হয় । দেওবাৰে দুপৰীয়া প্ৰায় 12 বজাত আটক কৰা হয় এই চোৰাং চিকাৰীটো ।

আৰু পঢ়কঃ-কলিয়াবৰ আৰক্ষীৰ জালত চোৰাং চিকাৰী

শিৱসাগৰৰ হালোৱাটিঙৰ পৰা বাছেৰে নগাঁৱলৈ আহি থকা অৱস্থাত আমনিৰ পৰা গ্ৰেপ্তাৰ কৰে মহকুমা আৰক্ষী বিষয়াই । গঁড় হত্যা, নাগালেণ্ডৰ পৰা অবৈধ মাৰণ-অস্ত্ৰ সৰবৰাহৰ লগতে গঁড়ৰ খড়গ ডিমাপুৰত বিক্ৰী কৰি আহিছিল আটকাধীন মশ্ৰুফে ।