নগাঁও,3 অক্টোবৰ: উত্তৰ প্ৰদেশৰ হাথৰসৰ গণধৰ্ষণক লৈ সমগ্ৰ দেশৰ লগতে ৰাজ্যজুৰি অব্যাহত আছে প্ৰতিবাদৰ ঢৌ ৷ নগাঁৱতো শনিবাৰে মহিলা কংগ্ৰেছে সাব্যস্ত কৰে প্ৰতিবাদ ৷ নগাঁও জিলা মহিলা কংগ্ৰেছৰ উদ্যোগত নগাঁও শ্বহীদ ভৱনৰ পৰা নগাঁও কলেজ পইণ্টলৈ এক সমদল উলিওৱাৰ লগতে নগাঁও কলেজৰ মূল ঘাইপথ অৱৰোধ কৰা হয় ৷
প্ৰতিবাদত মহিলাসকলে উত্তৰ প্ৰদেশত সংঘটিত হোৱা গণধৰ্ষণত জড়িত দোষীক দৃষ্টান্তমূলক শাস্তি প্ৰদানৰ দাবী উত্থাপন কৰাৰ লগতে কংগ্ৰেছ নেতা ৰাহুল গান্ধী উত্তৰ প্ৰদেশ আৰক্ষীয়ে গ্ৰেপ্তাৰ কৰা কাৰ্যক গৰিহণা দিয়ে । ইয়াৰ লগতে মহিলাসকলে প্ৰধানমন্ত্ৰী নৰেন্দ্ৰ মোদী আৰু উত্তৰ প্ৰদেশৰ মুখ্যমন্ত্ৰী যোগী আদিত্যনাথৰ প্ৰতিমূৰ্তি দাহ কৰে ৷ উক্ত প্ৰতিবাদী কাৰ্যসূচীত উপস্থিত থাকে অসম প্ৰদেশ কংগ্ৰেছৰ সম্পাদিকা শিবামণি বৰা আৰু দীপিকা শইকীয়া ৷
লগতে পঢ়ক: জালান চাহ বাগিছাত আটছাৰ প্ৰতিবাদ
