চামগুৰি,1জানুৱাৰী: নৱবৰ্ষৰ আজি পহিলা দিনটোত গুৰুজনাৰ পৱিত্ৰ জন্মস্থান বটদ্ৰৱা থানলৈ আগমন ঘটিল অগণন দৰ্শনাৰ্থী তথা ভক্তপ্ৰাণ ৰাইজৰ । নৱবৰ্ষই যাতে নিজ পৰিয়ালটোৰ লগতে ৰাজ্যখনলৈ সুখ, শান্তি আৰু সমৃদ্ধিৰ বতৰা কঢ়িয়াই আনে তাৰেই কামনা কৰি ভক্ত প্ৰাণ ৰাইজ অথবা দৰ্শনাৰ্থীয়ে বটদ্ৰৱা থানলৈ আহি গুৰুজনাৰ আৰ্শীষ গ্রহণ কৰে ।
নৱবৰ্ষৰ পহিলা দিনটোত বটদ্ৰৱা থানলৈ আগমন ঘটিল দেশী-বিদেশী অগণন দৰ্শনাৰ্থীৰ
ইপিনে একাংশই যদি পৰিয়াল তথা আত্মীয় স্বজনৰ সৈতে বনভোজ খাইছে আন একাংশ আকৌ বন্ধু বৰ্গৰ সৈতে বনভোজন খাই পৰম আনন্দ লাভ কৰিছে । তাৰ সমান্তৰভাবে কোনোৱে যদি বনভোজ স্থলীত হৰি নাম জুৰিচে,আন কোনো জনে আকৌ বিহু জুৰিছে । 1 জানুৱাৰীৰ দিনটোত বটদ্ৰৱা থানলৈ আগমন ঘটা ভকত-বৈষ্ণৱৰ হৰি নামে মুখৰিত কৰি তুলে বটদ্ৰৱাৰ আকাশ-বতাহ ।
লগতে পঢ়কঃ বিভিন্ন প্ৰান্তৰ দৰে ধেমাজীতো আজিৰে পৰা আৰম্ভ হ’ল বিদ্যালয় সমূহৰ পাঠদান
