নগাঁৱত পথ নিৰ্মাণত দুৰ্নীতিঃ ৰাইজৰ ৰোষত ঠিকাদাৰ

নগাঁও জিলাৰ ৰহা সমষ্টিৰ প্ৰধানমন্ত্ৰী গ্ৰাম চড়ক যোজনাৰ এটা পথে পুনৰ উন্মোচিত কৰিলে দুৰ্নীতিৰ ৷ শিমলুগুৰিৰ পৰা প্ৰমীলা বস্তিলৈ নিৰ্মাণ হৈ থকা প্ৰায় দুই কি:মি: দৈৰ্ঘৰ পথটো নিৰ্মাণ কাৰ্য সম্পূৰ্ণ নৌহওতেই এফালৰ পৰা খহি গৈছে ৷

নগাঁও,6 নৱেম্বৰঃ ধোৱা চাঙত পৰিৱৰ্তনকামী চৰকাৰৰ দুৰ্নীতিৰ শূন্য সহনশীল নীতি ৷ বিজেপি চৰকাৰে যিমানেই দুৰ্নীতিৰ বিৰুদ্ধে শ্ল'গান নিদিয়ক কিয়,এফালৰ পৰা যেন চানি ধৰিছে দুৰ্নীতিয়ে৷ নগাঁও জিলাৰ ৰহা সমষ্টিৰ প্ৰধানমন্ত্ৰী গ্ৰাম চড়ক যোজনাৰ এটা পথে পুনৰ উন্মোচিত কৰিলে দুৰ্নীতিৰ ৷ শিমলুগুৰিৰ পৰা প্ৰমীলা বস্তিলৈ নিৰ্মাণ হৈ থকা প্ৰায় দুই কি:মি: দৈৰ্ঘৰ পথটো নিৰ্মাণ কাৰ্য সম্পূৰ্ণ নৌহওতেই এফালৰ পৰা খহি গৈছে ৷ প্ৰায় এক কোটি টকা ব্যয় সাপেক্ষে নিৰ্মাণ হ'ব লগা পথটোৰ আধাৰশিলা স্থাপন কৰিছিল ৰহাৰ বিধায়ক ডিম্বেশ্বৰ দাসে ৷

ঘাঁহৰ ওপৰতে সংস্থাপন কৰিলে চিচি ব্লক

পথটো নিৰ্মাণ কাৰ্যত ঠিকাদাৰে নিম্ন মানৰ চি চি ব্ল'ক স্থাপন কৰাৰ গুৰুতৰ অভিযোগ কৰিছে স্থানীয় ৰাইজে৷ ৰাইজৰ অভিযোগ চি চি ব্লক সংস্থাপন কৰাৰ পূৰ্বে পথটোত বালি আৰু ৰাবিজৰ তৰপ পেলাব লাগে যদিও ঠিকাদাৰে ঘাঁহৰ ওপৰতে চি চি ব্লক স্থাপন কৰি ধন শৰাধ কৰিছে ৷ বুধবাৰে স্থানীয় ৰাইজ ওলাই আহি পথটোৰ চিচ ব্লক এৰুৱাই দিয়াত উন্মোচিত হয় ঠিকাদাৰৰ দুৰ্নীতিৰ কথা ৷ ৰাইজে শীঘ্ৰেই সংশ্লিষ্ট ঠিকাদাৰজনৰ বিৰুদ্ধে ব্যৱস্থা গ্ৰহণৰ দাবী জনাইছে ৷

লগতে চাওকঃ বৰপেটা গ্ৰাম্য পথ উপ-সংমণ্ডলত পথ নিৰ্মাণত সংঘটিত দুৰ্নীতি