নগাঁৱত ভয়ংকৰ পথ দুৰ্ঘটনা, নিহত এজন

নগাঁৱত ভয়ংকৰ পথ দুৰ্ঘটনাত নিহত হয় এজন চাইকেল আৰোহী

নগাও, 27 মাৰ্চ : বুধবাৰে নগাঁৱৰ শিংৰাপটিত সংঘটিত হয় ভয়ংকৰ পথ-দুৰ্ঘটনা ৷ নগাঁৱৰ ৩৬ নং ৰাষ্ট্ৰীয় ঘাইপথত তীব্ৰবেগী এখন এল্ট' বাহনে মহতিয়াই নিয়ে এজন চাইকেল আৰোহীক | যাৰ ফলত থিতাতে নিহত হয় চাইকেল আৰোহী মতিলাল বিশ্বাস নামৰ লোকজন ৷ তথ্য অনুসৰি মতিলাল বিশ্বাসে বজাৰ কৰি নগাঁৱৰ পৰা ডবকা অভিমুখে গৈ থকা অৱস্থাত একে দিশৰ পৰা আহি থকা এল্ট' বাহনখনে পিছ ফালৰ পৰা মহতিয়াই নিয়ে চাইকেল আৰোহীজনক ৷

উল্লেখযোগ্য যে ঘটনাস্থলীত কঠিয়াতলী আৰক্ষী উপস্থিত হৈ এল্ট' বাহনখন জব্দ কৰাৰ লগতে নিহত চাইকেল আৰোহীজনৰ মৰোনোত্তৰ বাবেও নগাঁৱলৈ প্ৰেৰণ কৰা হয় ৷ সংঘটিত কৰা বাহনখনৰ নম্বৰ AS-02U-4156 ৷