26 আগষ্ট,ধিঙ: ধিঙৰ কলাডোবাত স্বামীৰ ঘৰত চিপ লৈ থকা অৱস্থাত নৱ-বিবাহিতা বোৱাৰীৰ মৃতদেহ উদ্ধাৰৰ ঘটনাই অঞ্চলটোত তীব্ৰ চাঞ্চল্যৰ কৰিছে ৷ চৈধ্য বছৰীয়া কিশোৰীগৰাকীয়ে চাৰিমাহৰ আগেয়ে কলাডোবাৰ জইনউদ্দিন নামৰ যুৱকজনৰ সৈতে বিবাহপাশত আবদ্ধ হৈছিল ৷ জানিব পৰা মতে,সোমবাৰে দুয়ো পতি-পত্নীৰ মাজত বাক বিতণ্ডা হয়। তাৰ পিছতেই স্বামীৰ পৰিয়ালে কোঠাৰ ভিতৰত চিপ লৈ থকা অৱস্থাত উদ্ধাৰ কৰে বোৱাৰীগৰাকীৰ মৃতদেহ ৷ ঘটনা সন্দৰ্ভত ইতিমধ্যেই সুতিৰপাৰ আৰক্ষীয়ে স্বামী জইন উদ্দিনক আটক কৰিছে ৷ মৃত্যুৰ সময়ত তিনিমাহৰ অন্তঃসত্বা হৈ থকা নাবালিকাগৰাকীৰ অপৰিপক্ক বয়সত হোৱা বিবাহৰ প্ৰসংগইও বিশেষ চৰ্চা লাভ কৰিছে ৷ ঘটনাটোৱে সমগ্ৰ অঞ্চলজুৰি যথেষ্ট প্ৰতিক্ৰিয়াৰ সৃষ্টি কৰিছে ৷
স্বামীৰ ঘৰত উদ্ধাৰ নৱ-বিবাহিতা বোৱাৰীৰ মৃতদেহ
