নগাঁও, 28 মাৰ্চ : সোমবাৰে বিয়লি নগাঁও চহৰৰ হয়বৰগাঁৱত সংঘটিত হয় বিধ্বংসী অগ্নিকাণ্ড (massive fire breaks out in Nagaon) । হয়বৰগাঁৱৰ শনিমন্দিৰৰ পিছফালৰ এটা প্লাষ্টিক পাইপৰ গুদামত সংঘটিত এই অগ্নিকাণ্ড । বিয়লি হঠাৎ জুইৰ লেলিহান শিখাই সমগ্ৰ গুদাম ছানি ধৰাত আতংকৰ সৃষ্টি হয় গুদামটোৰ সমীপৰে আবাসিক এলেকাত । অগ্নিকাণ্ডৰ ফলত কেইবালক্ষাধিক টকাৰ সামগ্ৰী সম্পূৰ্ণৰূপে ভস্মীভূত হয় ।
লগে লগে অগ্নিনিৰ্বাপক বাহিনীক খবৰ দিয়াত ঘটনাস্থলীত উপস্থিত হয় অগ্নিনিৰ্বাপক বাহিনীৰ লোক । প্ৰায় এক ঘণ্টা সময় জ্বলি থকা জুইকুৰা অৱশেষত চাৰিখনকৈ বাহনৰ সহায়ত জুই নিৰ্বাপন কৰিবলৈ সক্ষম হয় অগ্নিনিৰ্বাপক বাহিনী ।
অৱশ্যে, অগ্নিকাণ্ডৰ কাৰণ এই পর্যপ্ত পোহৰলৈ অহা নাই যদিও বৈদ্যুতিক বিজুতিৰ ফলত অগ্নিকাণ্ড (Fire caused by electrical failure in Nagaon) সংঘটিত হোৱাৰ সন্দেহ কৰিছে স্থানীয় একাংশই ।
লগতে পঢ়ক : Oscar 2022 ceremony: অস্কাৰৰ মঞ্চত উপেক্ষিত হৈ ৰ’ল লতা মংগেশকাৰ, দিলীপ কুমাৰ
