চামগুৰি, 4 ডিচেম্বৰ : নগাঁৱত দপদপাই জ্বলি উঠিল খেৰ ভৰ্তি এখন চাৰিচকীয়া বাহন । শনিবাৰে নগাঁও চহৰৰ সমীপৰ শিমলুগুৰি আদৰ্শ গাঁৱৰ ৰিজাৰ্ভত হঠাতে জ্বলি উঠে এই খেৰ ভৰ্তি চাৰিচকীয়া বাহনখন (Massive fire in a four wheeler full of straw) ।
বাহনখন জ্বলা দেখি পথাৰত কাম কৰি থকা খেতিয়ক আৰু পথচাৰীয়ে সাহসিকতাৰ পৰিচয় দি তৎপৰতাৰে অগ্নি নিৰ্বাপন কৰিবলৈ আপ্ৰাণ চেষ্টা কৰে ৷ বাহনখনত লগা জুই নিৰ্বাপিত কৰিবলৈ সক্ষম হয় যদিও বাহনখনে কঢ়িয়াই অনা খেৰবোৰ সম্পূৰ্ণভাৱে জ্বলি চাই হয় ৷
উল্লেখ্য যে, বাহনখনৰ জুই নিৰ্বাপনৰ বাবে অগ্নি নিৰ্বাপক বাহিনীক স্থানীয় লোকে খবৰ দিয়ে যদিও বহু পলমকৈহে সেই স্থানত উপস্থিত হয় অগ্নি নিৰ্বাপক বাহিনীৰ এখন গাড়ী ৷
জানিব পৰা মতে, খেৰখিনি লাহৰিঘাটলৈ নিয়াৰ উদ্দেশ্যে এজন লোকে ক্ৰয় কৰিছিল । লোকজনে ঘৰলৈ ভাত খাবলৈ গৈছিল আৰু বাহনখনৰ ড্ৰাইভাৰজন ৰছী কিনিবলৈ বজাৰত যোৱা সময়তে এই ঘটনা সংঘটিত হয় । সৌভাগ্যক্ৰমে AS-21C-2548 নম্বৰৰ বাহনখনৰ কোনো ক্ষয়-ক্ষতি হোৱা নাই যদিও অগ্নিকাণ্ডৰ কাৰণ এতিয়ালৈকে জানিব পৰা হোৱা নাই ।
লগতে পঢ়ক: Propaganda Against Akhil: শিৱসাগৰ টাউনত হোৱা উচ্ছেদৰ লগত জড়িত অখিল গগৈ !
