বঢ়মপুৰ, 20 মে’: নানান সমস্যাত জৰ্জৰিত এতিয়া ২০১৪ চনত নগাঁও জিলাৰ কঠিয়াতলীত স্থাপন হোৱা নিউক্লিয়াচ গাহৰি প্ৰজনন কেন্দ্ৰটো ৷ নিবনুৱা সমস্যা সমাধানৰ উদ্দেশ্য আগত ৰাখি স্থাপন কৰা ফাৰ্মখনত এতিয়া নাই পৰ্যাপ্ত পৰিমাণৰ কৰ্মচাৰীৰ লগতে নাই ওজন জুখিব পৰা মেচিন আৰু ঔষধৰ ব্যৱস্থা ৷ আনকি ঔষধ সংৰক্ষণ কৰাৰ বাবে নাই ফাৰ্মখনত নাই ফ্ৰীজৰ ব্যৱস্থা । লগতে গাহৰিৰ গৰালৰ বেৰ চাপৰ হোৱাৰ লগতে কৰ্মীৰ সংখ্যাও তেনেই কম ।
চৰকাৰীভাৱে গাহৰিৰ ঔষধৰ যোগান নধৰাত সমস্যাত পৰিছে চিকিৎসক সকল । যাৰ কাৰণে চিকিৎসকে নিজৰ পকেটৰ ধন খৰচ কৰিব লগাত পৰিছে । আনফালে ভেকচিন ৰাখিবৰ বাবে এটা ফ্ৰীজৰো অভাৱ । ফাৰ্মখনৰ জ্যেষ্ঠ চিকিৎসক হাফিজুৰ ৰহমানে চৰকাৰক এই সমস্যা সমাধানৰ বাবে দাবী জনাইছে ।
ইপিনে গাহৰি পালনক লৈ শ্ৰী মন্ত শংকৰদেৱ সংঘৰ বিৰ্তকৰ মাজতেই পশু চিকিৎসক হাফিজুৰ ৰহমানে নিৱনুৱা সমস্যা সমাধানৰ কাৰণে শ্ৰী মন্ত শংকৰদেৱ সংঘই এটা সু-চিন্তা গ্ৰহণ কৰিবলৈ আহ্বান জনাইছে ৷
