ধিং, ৮ মাৰ্চ: আজি আন্তৰ্জাতিক নাৰী দিৱস । প্ৰতিগৰাকী নাৰীৰ প্ৰতি সন্মান জনাই সমগ্ৰ বিশ্বতে পালন কৰা হৈছে আন্তৰ্জাতিক নাৰী দিৱস । অসমতো ভিন্ন প্ৰান্তত নাৰী দিৱস উপলক্ষে কেতবোৰ অনুষ্ঠান আয়োজন কৰা হৈছে । নগাঁৱৰ ধিং মহাবিদ্যালয়ত আন্তৰ্জাতিক নাৰী দিৱসৰ লগত সংগতি ৰাখি মানসিক স্বাস্থ্য আৰু নাৰী স্বাস্থ্য বিষয়ক এখন সজাগতামূলক সভাৰ আয়োজন কৰা হৈছে ।
ইউছুফ মেম'ৰিয়েল ছ'চাইটিৰ উদ্যোগত আৰু ডিউ কেয়াৰ হাস্পতাল আৰু ধিং মহাবিদ্যালয়ৰ ৱ'মেন ফ'ৰামৰ সহযোগত মহাবিদ্যালয় প্ৰেক্ষাগৃহত এই সজাগতামূলক কাৰ্যসূচীৰ আয়োজন কৰা হয় । ধিং মহাবিদ্যালয়ৰ অধ্যক্ষ বিমান হাজৰিকাৰ অধ্যক্ষতাত এই সভাত নাৰীৰ স্বাস্থ্য সম্বন্ধে বহুমূলীয়া বক্তব্য প্ৰদান কৰে বহু কেইগৰাকী বিশেষজ্ঞ চিকিৎসকে ।
লগতে প্ৰতিগৰাকী নাৰীকে নিজৰ স্বাস্থ্যক লৈ সজাগ হ'বলৈ আহ্বান জনায় বিশেষজ্ঞ চিকিৎসকসকলে । কিয়নো, সু-স্বাস্থ্যই সুস্থ চিন্তা কৰাত সহায় কৰে ।
লগতে পঢ়ক:মৰিয়নীত বৃহৎ পৰিমাণৰ নগদ ধন জব্দ
