কলিয়াবৰ, 31 মে : দেওবাৰে নিশা কলিয়াবৰ মহকুমা প্ৰশাসন আৰু জখলাবন্ধা আৰক্ষীৰ উপস্থিতিত কলিয়াবৰৰ ৰাঙলুত অবৈধভাৱে সুৰা সৰবৰাহ কৰা এখন বাহন জব্দ কৰে জখলাবন্ধা আৰক্ষীয়ে । লগতে জব্দ কৰে কেইবা কাৰ্টন বিলাতী সুৰা ।
উল্লেখ্য যে, ক’ভিড প্ৰট’কল উলংঘা কৰি বাহনখনে নিশা কঢ়িয়াই আনিছিল কেইবা কাৰ্টন সুৰা। ক’ভিডৰ এই ভয়াৱহ পৰিস্থিতিৰ মাজতো এতিয়াও একাংশই নিয়ম উলংঘা কৰি আছে ।যাৰ পৰিপ্ৰেক্ষিতত কলিয়াবৰ প্ৰশাসন তথা আৰক্ষী প্ৰশাসন যথেষ্ট কঠোৰ হৈ পৰা পৰিলক্ষিত হৈছে । অভিযান কালত উপস্থিত থাকে কলিয়াবৰ মহকুমাধিপতিৰ লগতে দণ্ডাধীশ আৰু জখলাবন্ধা আৰক্ষী ।
লগতে পঢ়ক: কাছাৰত ২৮০ গ্ৰাম ব্ৰাউন চুগাৰ সহ দুটা সৰবৰাহকাৰীক আটক
