বঢ়মপুৰ,9 ছেপ্তেম্বৰ: কামপুৰ আৰক্ষীৰ সফল অভিযান ৷ কামপুৰত আৰক্ষীৰ এক অভিযানত ধৰা পৰিছে ছয়গৰাকীকৈ প্ৰৱঞ্চক ৷ কামপুৰৰ কাকতি গাঁৱৰ পদুমণিত আৰক্ষীয়ে এক অভিযান চলাই মহম্মদ আজিজুল হক নামৰ লোকগৰাকীৰ বাসগৃহৰ পৰা আৰক্ষীয়ে কৰায়ত্ব কৰে ছগৰাকী প্ৰৱঞ্চকক ৷ লগতে জব্দ কৰে নকল নোট তৈয়াৰ কৰা এটা ভুৱা কাঠৰ যন্ত্ৰ ৷ দীৰ্ঘদিন ধৰি এই ছয়জনীয়া প্ৰৱঞ্চকৰ দলটোৱে বিভিন্ন লোকক ৰামঠগন দি আহিছিল ।
প্ৰৱঞ্চকৰ দল আটক
উল্লেখ্য যে,ধৃত প্ৰৱঞ্চক কেইগৰাকী ক্ৰমে জহিৰুল ইছলাম,ঈদজত আলী,ওৱাহিদুল ইছলাম,আতিকুল ইছলাম,পাওচিপাম আৰু পাওংগি । বৰ্তমান কামপুৰ আৰক্ষীয়ে আটাইকেইজন প্ৰৱঞ্চকক আটক কৰি জেৰা অব্যাহত ৰাখিছে ।
লগতে চাওকঃ আছুৱে আবদ্ধ কৰিলে নদীবান্ধ নিৰ্মাণৰ সামগ্ৰী কঢ়িওৱা বাহন
