নগাঁও, 11 চেপ্তেম্বৰ: বটদ্ৰৱাৰ ভেৰভেৰীত দুই দলৰ মাজত প্ৰচণ্ড মাৰপিট ৷ গুৰুতৰভাৱে আহত চুলতান মাহমুদ নামৰ এজন লোক ৷ বিদ্যুৎ ভল্টেজক কেন্দ্ৰ কৰি সৃষ্টি হয় এই মাৰপিটৰ ঘটনা ৷ চুলতান মাহমুদে বিদ্যুৎ ভল্টেজ বেছিকৈ ব্যৱহাৰ কৰাৰ অভিযোগ তুলি প্ৰথমে তেওঁক অসভ্য আচৰণ কৰা হৈছিল৷ তাৰ পিছত তৰ্ক-বিতৰ্ক বাঢ়ি অহাৰ ফলত চোকা অস্ত্ৰৰে চুলতান মাহমুদক আক্ৰমণ কৰে তাইজ উদ্দিন মিৰ সহ ছজনীয়া লোকৰ এটা দলে ৷
বটদ্ৰৱাত দুই দলৰ মাজত সংঘৰ্ষ:আহত এজন
আহত মামুদক সংকটজনক অৱস্থাত নগাঁৱলৈ প্ৰেৰণ কৰা হয়৷ ইতিমধ্যে ঘটনাস্থলীত বটদ্ৰৱা আৰক্ষী উপস্থিত হৈ পৰিস্থিতি নিয়ন্ত্ৰণ কৰিবলৈ সক্ষম হৈছে আৰু ঘটনা সন্দৰ্ভত তদন্ত অব্যাহত ৰাখিছে৷ ঘটনা সন্দৰ্ভত চুলতান মাহমুদৰ পৰিয়ালে বটদ্ৰৱা থানত এখন এজাহাৰ দাখিল কৰিছে৷ ইতিমধ্যে ঘটনা সংঘটিত কৰি তাইজ উদ্দিন মিৰ সহ ছয়জনীয়া দলটো পলাতক৷
