নিপন গোস্বামীৰ মৃ্ত্যুৰ উৰাবাতৰি প্ৰচাৰ কৰি ক্ষমা খুজিলে কুমুদ কৃষ্ণ বৰাই

জ্যেষ্ঠ অভিনেতা নিপন গোস্বামীৰ মৃত্যু হোৱা বুলি অপপ্ৰচাৰ চলাই ৰাইজৰ ৰোষত পৰে বটদ্ৰৱাৰ কৰচুং সত্ৰৰ কুমুদ কৃষ্ণ বৰা নামৰ যুৱকজন ৷ বিতৰ্কত সোমাই পৰা যুৱকজনে ফেচবুকযোগে ৰাইজৰ ওচৰত ক্ষমা বিচাৰে ৷

বটদ্ৰৱা, 29 জুনঃ জ্যেষ্ঠ অভিনেতা নিপন গোস্বামীৰ স্বাস্থ্যক লৈ ছ'চিয়েল মিডিয়াত অপপ্ৰচাৰ চলাই ৰাইজৰ ৰোষত বটদ্ৰৱাৰ যুৱক ৷ নিপন গোস্বামীৰ মৃত্যু হোৱা বুলি বিতৰ্কত সোমাই পৰে বটদ্ৰৱাৰ কৰচুং সত্ৰৰ কুমুদ কৃষ্ণ বৰা নামৰ যুৱকজন ৷

ঘটনাৰ পিচতেই যুৱকজনৰ বিৰুদ্ধে অভিনেতাগৰাকীৰ পৰিয়ালে আদালতত গোচৰ তৰাৰ পিচতে ৰাজহুৱাভাৱে ক্ষমা বিচাৰে যুৱকজনে ৷ ফেচবুকযোগে মুকলিকৈ ক্ষমা বিচাৰি যুৱকজনে নিজৰ ভুল স্বীকাৰ কৰে ৷

উল্লেখ্য যে, গুৰুতৰভাৱে অসুস্থ হৈ চিকিৎসালয়ত ভৰ্তি হৈছিল অসমৰ জ্যেষ্ঠ তথা আগশাৰীৰ অভিনেতা নিপন গোস্বামী ৷ কিছুদিন আগত অভিনেতাগৰাকীৰ স্বাস্থ্যৰ অৱনতি ঘটিছিল যদিও বৰ্তমানে সম্পুৰ্ণ সুস্থ অৱস্থাত আছে বুলি সদৰী কৰিছে পৰিয়ালৰ সদস্যই ৷