বঢ়মপুৰ,৫জুলাই : শনিবাৰে এজন মৃতকৰ অন্তিম সৎকাৰত উপস্থিত থকাৰ অন্তত হাৰিয়া নদীত গা ধুবলৈ গৈ নদীত হৈছিল সন্ধানহীন বৰকলাৰ চিংকু বৰদলৈ নামৰ এজন ব্যক্তি । ব্যক্তিজন সন্ধানহীন হোৱাৰ খবৰ পাই কামপুৰ অগ্নি নিৰ্বাপক বাহিনী আৰু ৰাজ্যিক দুৰ্যোগ প্ৰশমন বিভাগৰ(SDRF) দল উপস্থিত হয় । উদ্ধাৰকাৰী দলে অভিযান চলালে যদিও নিশা আন্ধাৰ হৈ অহা বাবে সেইদিনা অভিযান আধাতে সামৰে ।
দেওবাৰে পুৱাৰ পৰা অভিযানকাৰী দলে পুনৰ অভিযান চলাই নদীত চিংকু বৰদলৈৰ মৃতদেহটো উদ্ধাৰ কৰিবলৈ সক্ষম হয় । ঘটনাস্থলীত উপস্থিত বেবেজীয়া আৰক্ষীয়ে উদ্ধাৰ হোৱা মৃতদেহটো মৰোণোত্তৰ পৰীক্ষাৰ বাবে নগাঁৱলৈ প্ৰেৰণ কৰে ।