চিটাৰা ডেস্ক, 28 ছেপ্টেম্বৰ : বিশ্ব বিখ্যাত ব্ৰিটিছ ৰক বেণ্ড ক’ল্ডপ্লেৰ অনুষ্ঠানৰ বাবে টিকটৰ ক’লা বজাৰ মুকলি কৰাৰ অভিযোগ ৷ এই সন্দৰ্ভত মুম্বাই আৰক্ষীৰ অৰ্থনৈতিক অপৰাধ শাখাই (ইঅ’ডব্লিউ) সন্দৰ্ভত বুকমাইশ্ব'ৰ মুখ্য কাৰ্যবাহী বিষয়া আৰু সহ-প্ৰতিষ্ঠাপক আশীষ হেমৰাজনী আৰু কোম্পানীৰ কাৰিকৰী মুৰব্বীক মাতি পঠিয়ায়, এজন বিষয়াই শুকুৰবাৰে এই কথা জানিবলৈ দিয়ে ।
টিকট প্লেটফৰ্মৰ বিৰুদ্ধে অভিযোগ উত্থাপন কৰা এজন অধিবক্তাৰ অভিযোগৰ ভিত্তিত তদন্ত আৰম্ভ কৰা হৈছে বুলি বিষয়াগৰাকীয়ে জানিবলৈ দিয়ে ।
“সেই অনুসৰি, বুকমাইশ্ব’ৰ মুখ্য কাৰ্যবাহী বিষয়া আৰু সহ-প্ৰতিষ্ঠাপক আশীষ হেমৰাজনীৰ লগতে কোম্পানীৰ কাৰিকৰী মুৰব্বীক মাতি পঠোৱা হৈছে । তেওঁলোকৰ বিবৃতি শনিবাৰে ৰেকৰ্ড কৰা হ’ব । এটা প্ৰাথমিক অনুসন্ধান আৰম্ভ হৈছে,” বিষয়াজনে কয় ।
ঘটনাক্ৰমে, ক’ল্ডপ্লেই মুম্বাইত অভূতপূৰ্ব সঁহাৰিৰ প্ৰতি লক্ষ্য ৰাখি “মিউজিক অফ দ্য স্ফেয়াৰছ ৱৰ্ল্ড ট্যুৰ 2025” ৰ মুম্বাইত তৃতীয়টো শ্ব’ সংযোজন কৰিছিল । বেণ্ডটোৱে অহা বছৰৰ 18, 19 আৰু 21 জানুৱাৰীত নৱী মুম্বাইৰ ডি ৱাই পাটিল ষ্টেডিয়ামত তিনিটা অনুষ্ঠান অনুষ্ঠিত কৰিব ।
ক’ল্ডপ্লে হৈছে ১৯৯৭ চনত লণ্ডনত গঠন হোৱা এটা ব্ৰিটিছ ৰক বেণ্ড। বেণ্ডৰ সদস্যসকল হৈছে কণ্ঠশিল্পী আৰু পিয়ানোবাদক ক্ৰিছ মাৰ্টিন, গিটাৰবাদক জনি বাকলেণ্ড, বেচিষ্ট গাই বেৰীমেন, ড্ৰামাৰ-পাৰকাচনিষ্ট উইল চেম্পিয়ন ৷
উল্লেখ্য যে ক’ল্ডপ্লে সমগ্ৰ বিশ্বতেই নিজৰ ৰক সংগীতৰ বাবে এক জনপ্ৰিয় বেণ্ড ৷ বেণ্ডটোৰ জনপ্ৰিয়তা ভাৰততো সমানেই দেখা যায় ৷ বিশেষকৈ 'Fix You', 'Yellow', 'Paradise', 'A Sky Full of Stars', 'Viva la Vida' ৰ দৰে গীতসমূহ যুৱ প্ৰজন্মৰ মাজত খুবেই জনপ্ৰিয় ৷
লগতে পঢ়ক : অ’জি মঞ্জুলিকা-ৰুহ বাবাৰ মাজৰ যুদ্ধই দৰ্শকক দিব ভৌতিকতাৰ অনন্য সোৱাদ - Bhool Bhulaiyaa 3 teaser
