নিউজ ডেস্ক, 29 ছেপ্টেম্বৰ: আজিৰে পৰা নৱেম্বৰৰ শেষলৈকে আকাশত দেখা যাব 2 টা তৰা । যি পৃথিৱীৰ ওচৰৰ কক্ষপথত ঘূৰিব । ইয়াৰ নাম ‘মিনি মুন বা 2024 PT5 ’। অৱশ্যে খালী চকুৰে দেখাটো সম্ভৱ নহ’ব এই মিনি মুন । ইয়াৰ বাবে উচ্চ ক্ষমতাসম্পন্ন টেলিস্কোপৰ প্ৰয়োজন হ’ব । এই গ্ৰহাণুটো (সূৰ্যক প্ৰদক্ষিণ কৰা এটা সৰু শিলৰ গ্ৰহ) মাত্ৰ 10 মিটাৰ দীঘল আছিল আৰু চলিত বৰ্ষৰ আগষ্ট মাহত আৱিষ্কাৰ কৰা হৈছিল ।
কি এই মিনি মুন?
আন্তঃৰাষ্ট্ৰীয় সংবাদ মাধ্যমৰ বাতৰি অনুসৰি মিনি মুন এটা গ্ৰহাণু । পৃথিৱীৰ মহাকৰ্ষণ বলৰ বাবে ই গ্ৰহটোৰ চাৰিওফালে ঘূৰি ফুৰে । ই পৃথিৱীৰ চাৰিওফালে ঘূৰি থাকে । পৃথিৱীৰ কক্ষপথত এনে মিনি মুন প্ৰৱেশ কৰা দেখিবলৈ পোৱাটো কঠিন । কাৰণ ইয়াৰ আকাৰ অতি সৰু আৰু মহাকাশত আন্ধাৰ হোৱাৰ বাবে ইয়াক ভালদৰে দেখা নাযায় ।
Earth has a new ‘mini-moon’! 🤏🌖
— ESA Operations (@esaoperations) September 24, 2024
Asteroid 2024 PT5 has been ‘catching up’ with us for years. It recently got close enough to begin interacting with Earth’s gravity, leading to a short #MiniMoon phase from now until late November during which it will be bound to our planet. pic.twitter.com/v6FWoG67An
মিনি মুন কিহৰ পৰা তৈয়াৰ কৰা হয়?
মহাকাশত থকা আন কঠিন পদাৰ্থৰ দৰে মিনি-মুনটোও ধাতুৰ পদাৰ্থ, কাৰ্বন, মাটি আৰু চিলিকেট পদাৰ্থৰে গঠিত । ছুইজাৰলেণ্ডৰ ফ্ৰন্টিয়াৰ্ছ ইন এষ্ট্ৰ’নমি এণ্ড স্পেচ চাইন্সছ নামৰ জাৰ্নেলখনে 2018 চনত প্ৰকাশ কৰা এক প্ৰতিবেদন অনুসৰি মংগল আৰু বৃহস্পতিৰ মাজৰ গ্ৰহাণু বেল্টৰ জৰিয়তে মিনি মুন বেছিভাগেই পৃথিৱীৰ কাষ চাপিছে । পৃথিৱীৰ নিৰ্দিষ্ট উপগ্ৰহ চন্দ্ৰৰ দৰে ইয়াৰ কোনো নিৰ্দিষ্ট কক্ষপথ নাই ।
2006 চনতো এটা মিনি মুন দেখা গৈছিল
মিনি মুন সাধাৰণতে এটা বিৰল বস্তু । শেহতীয়াকৈ পৃথিৱীৰ কক্ষপথত এনে বহু গ্ৰহাণু চিনাক্ত কৰা হৈছে । 2006 RH120 নামৰ এটা মিনি মুন পৃথিৱীৰ কক্ষপথৰ ওচৰত এবছৰ ধৰি পৰ্যবেক্ষণ কৰা হৈছিল । সেইটোৱেই আছিল একমাত্ৰ মিনি মুন যাক কেমেৰাত আৱদ্ধ কৰিব পৰা গৈছে । আনকি 2002 চনতো এনে এটা মুন দেখা গৈছিল । ইয়াৰ পূৰ্বে 1981 চনত দেখা গৈছিল মিনি মুন ।
BREAKING 🚨: Earth will temporarily have a mini-moon for two months
— Latest in space (@latestinspace) September 18, 2024
On Sept. 29 an asteroid known as a ‘mini-moon’ is expected to make a single orbit around Earth and leave on Nov. 25th pic.twitter.com/JYEWXbdqXv
আজি অৰ্থাৎ 29 ছেপ্টেম্বৰৰ পৰা নৱেম্বৰৰ শেষ পৰ্যন্ত দেখা যাব মিনি মুন । 25 নৱেম্বৰত ইয়াৰ পৃথিৱীৰ সৈতে বিচ্ছেদ ঘটাই মহাবিশ্বৰ মাজেৰে একক ট্ৰেজেক্টৰী অব্যাহত ৰাখিব । 2055 চনত পুনৰ এই মিনি মুন পাৰ হৈ যোৱাৰ সম্ভাৱনা আছে ৷
