নগাঁও , 05 মে' : নগাঁও কাৰ্বিআংলং সীমান্তত চাঞ্চল্যকৰ ডকাইতি কাণ্ড সংঘটিত হয় ৷ চামগুৰি সীমান্তবৰ্তী পানীমূৰাত যুৱৰাজ সিং নামৰ এজন লোকৰ বাসগৃহত এই ডকাইতি কাণ্ড সংঘটিত হয় ৷
নগাঁৱৰ কাৰ্বিআংলং সীমান্তত ডকাইতি
ডকাইতৰ দলটোৱে যুৱৰাজ সিঙৰ বাসগৃহৰ ভিতৰত হস্তনিৰ্মিত বন্দুকেৰে গুলীচালনা কৰে ৷ লগতে দলটোৱে সিঙৰ বাসগৃহৰ পৰা এখন এল্ট' বাহন লৈ যায় ৷ ইয়াৰোপৰিও ডকাইতৰ আক্ৰমণত ঘৰটোৰ গৰাকী যুৱৰাজ সিং গুৰুতৰভাৱে আঘাতপ্ৰাপ্ত হয় ৷ ইপিনে নিশাই চামগুৰি আৰক্ষীৰ স'তে ডকাইতৰ দলটোৰ সংঘৰ্ষ হোৱাত এল্ট' বাহনখন এৰি পলায়ন ডকাইতৰ দলটোৱে ৷
