নগাঁৱত জব্দ অবৈধ কয়লা ভৰ্তি ট্ৰাক

কাৰ্বি আংলংৰ বিভিন্ন স্থানৰ পৰা নিশা ট্ৰাকে ট্ৰাকে অবৈধভাৱে সৰবৰাহ হয় কয়লা ৷

নগাঁও, 20 জানুৱাৰী : নগাঁৱৰ ৩৬ নং ৰাষ্ট্ৰীয় ঘাইপথত দেওবাৰে আৰক্ষীয়ে অভিযান চলাই তিনিখন অবৈধ কয়লা ভৰ্তি ট্ৰাক জব্দ কৰে ৷ অভিযানৰ সময়ত আৰক্ষীয়ে ট্ৰাকখনৰ চালক হেণ্ডিমেনসহ সাতজনক আটক কৰে ৷ আটকাধীন ট্ৰাকখনৰ চালককেইজন ক্ৰমে অমৰ আলী, মেহবুৰ ৰহমান আৰু আজাৰুল ইছলাম ৷ আনহাতে জব্দ কৰা ট্ৰাককেইখনৰ নম্বৰ AS 25 EC 0744, AS 01 JC 1041 আৰু AS 02 JC 3403 ৷

উল্লেখ্য যে, কাৰ্বি আংলংৰ বিভিন্ন স্থানৰ পৰা নিশা ট্ৰাকে ট্ৰাকে অবৈধ ভাৱে সৰবৰাহ হয় কয়লা ৷ দেওবাৰে নিশাও কাৰ্বি আংলংৰ ডিফুৰ বকলীয়া আৰু নখুটিৰ পৰা নগাঁৱলৈ অবৈধ ভাৱে কয়লাখিনি সৰবৰাহ কৰা সময়ত আৰক্ষীয়ে কয়লা ভৰ্তি ট্ৰাক তিনিখন জব্দ কৰে ৷