নগাঁও,11 অক্টোবৰ: নগাঁৱৰ ৰূপহীহাটৰ গেৰেকী গাঁৱত এটা আছুতীয়া গৃহত অসামাজিক কাৰ্যত লিপ্ত থকাৰ অভিযোগত দেওবাৰে এগৰাকী যুৱতীসহ এজন যুৱকক কৰায়ত্ব কৰে স্থানীয় ৰাইজে ৷ ক্ষুব্ধ ৰাইজে খুঁটাত বান্ধি চেণ্ডেলৰ মালা পিন্ধাই ৰূপহীহাট আৰক্ষীক গতাই দিয়ে যুৱকজনক ৷
ঘটনা অনুসৰি,দীৰ্ঘদিন ধৰি গেৰেকী গাঁৱত থকা আছুতীয়া ঘৰটোত এক অসাধু চক্ৰই অসামাজিক কাৰ্য সংঘটিত কৰাৰ অভিযোগ উত্থাপন হৈ আহিছে । দেওবাৰে কাহিলি পুৱাতে গাঁওবাসীয়ে পৰিত্যক্ত ঘৰটোত যুৱক-যুৱতীহালক অসামাজিক কাৰ্যত লিপ্ত হৈ থকা প্ৰত্যক্ষ কৰে ৷
পৰৱৰ্তী সময়ত সকলো জাতি-বৰ্ণ নিৰ্বিশেষে গাওঁবাসীয়ে সভা অনুষ্ঠিত কৰি ধৃত যুৱকজনক আৰক্ষীৰ হাতত গতাই দিয়ে ৷ ইফালে শনিবাৰে নিশাও গাওঁখনৰ আন এটি আছুতীয়া ঘৰত এহাল যুৱক-যুৱতীক অসামাজিক কাৰ্যকলাপত লিপ্ত থকা অৱস্থাত ৰাইজে হাতে-লোটে কৰায়ত্ব কৰি আৰক্ষীক গতাই দিছিল ৷
একাংশ ক্ষুব্ধ লোকে ঘৰটো লণ্ড-ভণ্ড কৰাৰ লগতে ঘৰটোৰ স্বত্বাধিকাৰী দিগন্ত বৰাকো আৰক্ষীয়ে আটক কৰে ।
লগতে পঢ়ক: ক'ভিড প্ৰট'কল মানি বাক্সাৰ বাঁহবাৰীত পালন কৰম পূজা
