নগাঁও, 30 মাৰ্চ: নিৰ্বাচনী প্ৰচাৰৰ অন্তিম দিনটোত নগাঁও সদৰ সমষ্টিৰ বিজেপি প্ৰাৰ্থী ৰূপক শৰ্মাই নগাঁও চহৰত এক বিশাল পদযাত্ৰা উলিয়ায় । নগাঁও চহৰৰ বীণাপানি নাট্য মন্দিৰৰ সমীপৰ পৰা এক বিশাল পদযাত্ৰা উলিয়াই নগাঁও সদৰ সমষ্টিত চমক সৃষ্টি কৰিবলৈ সক্ষম হয় । চহৰখনৰ বীনাপাণি নাট্য মন্দিৰৰ পৰা এই বিশাল পদযাত্ৰা আৰম্ভ কৰি হয়বৰগাঁও বজাৰ, তেলীয়াপট্টি চাৰি আলি, তেলীয়াপট্টি ৰে’ল গেট, ৰবিন্দ্ৰ পল্লি হৈ লাচিত নগৰত সামৰণি পেলায় ।
ৰেলীৰ সময়ত বিজেপি প্ৰাৰ্থী ৰূপক শৰ্মাক বিপুল সহাৰি জনোৱা পৰিলক্ষিত হয় । অন্তিম প্ৰচাৰ ৰেলীত অংশগ্ৰহণ কৰি সমষ্টিটোৰ বিজেপি প্ৰাৰ্থী ৰূপক শৰ্মাই কয়- মুখ্যমন্ত্ৰী সৰ্বানন্দ সোণোৱাল বিত্ত মন্ত্ৰী হিমন্ত বিশ্ব শৰ্মাৰ নেতৃত্বত অসমত ৫টা বছৰত উন্নয়ন আৰু বিকাশে নতুন দিগন্তৰ সূচনা কৰিছে । জাতি- ধৰ্ম- বৰ্ণ নিৰ্বিশেষে সকলোৰে উন্নয়নৰ বাবে বিজেপি নেতৃত্বাধীন মিত্ৰজোঁটৰ চৰকাৰে কাম কৰিছে । আমাৰ চৰকাৰৰ দিনত ভাষিক আৰু ধৰ্মীয় সংখ্যালঘুসকল যথেষ্ট উপকৃত হৈছে । যাৰ বাবে আজি সংখ্যালঘু লোক সকলে বিজেপিৰ ওপৰত আস্থা প্ৰকাশ কৰিছে । আমি সকলোকে লগত লৈ সকলোৰে বিকাশৰ বাবে কাম কৰিছো । এইবাৰ অসমত পুনৰ বিজেপিৰ নেতৃত্বত মিত্ৰজোঁটৰ চৰকাৰ হোৱাতো খাটাং হৈ পৰিছে।
লগতে পঢ়কঃ ঘৰে ঘৰে গৈ নিৰ্বাচনী প্ৰচাৰ অদীপ কুমাৰ ফুকনৰ
