আমনিত অসম চাহ জনজাতি ছাত্ৰ সন্থাৰ প্ৰতিবাদ

মন্ত্ৰী কেশৱ মহন্তই নগাঁও জিলাৰ একাংশ লোকক ভূমিৰ পট্টা প্ৰদান কৰি থকাৰ সময়তে জিলাখনৰ সীমামুৰীয়া চামগুৰিৰ আমনিত অসম চাহ জনজাতি ছাত্ৰ সন্থাই প্ৰতিবাদ সাব্যস্ত কৰে ৷ এই প্ৰতিবাদ সাব্যস্ত কৰে অসম চাহ জনজাতি ছাত্ৰ সন্থাৰ নগাঁও জিলা সমিতিয়ে ৷

চামগুৰি, 31 জানুৱাৰী : অগপৰ এখন বিশাল গণ সভাত মন্ত্ৰী কেশৱ মহন্তই নগাঁও জিলাৰ একাংশ লোকক ভূমিৰ পট্টা প্ৰদান কৰি থকাৰ সময়তে জিলাখনৰ সীমামুৰীয়া চামগুৰিৰ আমনিত অসম চাহ জনজাতি ছাত্ৰ সন্থাই প্ৰতিবাদ সাব্যস্ত কৰে ৷ এই প্ৰতিবাদ সাব্যস্ত কৰে অসম চাহ জনজাতি ছাত্ৰ সন্থাৰ নগাঁও জিলা সমিতিয়ে ৷

মন্ত্ৰী কেশৱ মহন্তৰ প্ৰতিমূৰ্তি দাহ কৰি আমনি অনিআলিত ক্ষোভ প্ৰকাশ কৰে অৰ্ধশতাধিক আটছা নেতা-কৰ্মীয়ে। জনজাতিকৰণৰ কে ধৰি জিলা খনৰ ১৮ খন বাগিছাৰ চাহ শ্ৰমিক সকলৰ দীৰ্ঘদিনীয়া সমস্যা সমূহ পূৰণ কৰাৰ দাবীত এই প্ৰতিবাদ সাব্যস্ত কৰে ৷

প্ৰতিবাদস্থলীত মন্ত্ৰী কেশৱ মহন্তই চাহ শ্ৰমিক সকলক অৱহেলা কৰি অহাৰ অভিযোগ উত্থাপন কৰে প্ৰতিবাদকাৰীয়ে । উল্লেখ্য যে প্ৰতিবাদস্থলীত আটছাৰ নেতৃত্বই চৰকাৰৰ ওচৰত জিলাখনৰ প্ৰকৃত দৰিদ্ৰ চাহ শ্ৰমিকৰ পৰিয়াল সমূহক মাটিৰ পট্টা প্ৰদান কৰিবৰ বাবে দাবী উত্থাপন কৰে ।

অন্যথা অগপৰ লগতে কোনো ৰাজনৈতিক দলকে আগন্তুক ২০২১ৰ বিধানসভা নিৰ্বাচনৰ সময়ত চাহ বাগিছা অধ্যুষিত অঞ্চলত প্ৰৱেশ নিষিদ্ধ কৰাৰ হুংকাৰ প্ৰদান কৰে প্ৰতিবাদকাৰীয়ে ৷

লগতে পঢ়ক: পাঁচ ৰাজ্যত একেসময়তে নিৰ্বাচন : কিন্তু বিজেপিৰ গুৰুত্ব অসমত কিয় ?