প্ৰফুল্ল মহন্তক বঞ্চিত কৰাক লৈ জ্যেষ্ঠ নেতা গিৰিন্দ্ৰ বৰুৱাৰ ক্ষোভ

অগপৰ প্ৰাৰ্থীৰ তালিকাৰ পৰা বাদ পৰিল প্ৰাক্তন মুখ্যমন্ত্ৰী তথা অগপৰ প্ৰতিষ্ঠাপক সভাপতি প্ৰফুল্ল কুমাৰ মহন্ত ৷ প্ৰফুল্ল কুমাৰ মহন্তক প্ৰাৰ্থীত্বৰ পৰা বঞ্চিত কৰাত ক্ষোভ জ্যেষ্ঠ অগপ নেতাৰ ৷ ক্ষোভিত হৈ পৰিছে অগপৰ জ্যেষ্ঠ নেতা তথা প্ৰাক্তন মন্ত্ৰী গিৰিন্দ্ৰ কুমাৰ বৰুৱা ৷

নগাঁও, 8 মাৰ্চ: সমাগত অসম বিধানসভা নিৰ্বাচনৰ বাবে সকলো ৰাজনৈতিক দলে প্ৰাৰ্থীৰ তালিকা প্ৰকাশ কৰিছে ৷ ইতিমধ্যে বিভিন্ন দলৰ মাজত সৃষ্টি হোৱা প্ৰাৰ্থীত্বকেন্দ্ৰীক সংঘাতে যে আগন্তুক নিৰ্বাচনত এক উল্লেখনীয় ভূমিকা গ্ৰহণ কৰিব সেই কথা স্পষ্ট হৈ পৰিছে ৷

বিজেপি নেতৃত্বাধীন মিত্ৰজোঁটৰ অংশ হিচাপে অসম গণ পৰিষদেও প্ৰাৰ্থীৰ তালিকা ঘোষণা কৰাৰ লগে লগে ৰাজ্যৰ ৰাজনীতিত এই লৈ ব্যাপক চৰ্চা চলা পৰিলক্ষিত হৈছে ৷ কিয়নো অগপৰ প্ৰাৰ্থীৰ তালিকাৰ পৰা এইবাৰ বাদ পৰিছে বৃন্দাবন গোস্বামীৰ লগতে অগপৰ প্ৰতিষ্ঠাপক সভাপতি তথা অসমৰ প্ৰাক্তন মুখ্যমন্ত্ৰী প্ৰফুল্ল কুমাৰ মহন্ত ৷ অগপৰ প্ৰতিষ্ঠাপক সভাপতি গৰাকীক প্ৰাৰ্থীত্বৰ পৰা বঞ্চিত কৰাক লৈ ক্ষোভিত হৈ পৰিছে অগপৰ জ্যেষ্ঠ নেতা তথা প্ৰাক্তন মন্ত্ৰী গিৰিন্দ্ৰ কুমাৰ বৰুৱা ৷

প্ৰফুল্ল কুমাৰ মহন্তক প্ৰাৰ্থীত্বৰ পৰা বঞ্চিত কৰা পদ্ধতি অতি নিন্দনীয় হৈছে বুলি মন্তব্য কৰিছে অগপৰ জ্যেষ্ঠ নেতাগৰাকীয়ে ৷ মন্ত্ৰী ড৹ হিমন্ত বিশ্ব শৰ্মাৰ এক মন্তব্যৰ প্ৰসংগত জ্যেষ্ঠ অগপ নেতাগৰাকীয়ে দল বাগৰি ফুৰা নেতাই আন দলক ইতিকিং কৰে বুলিও কটাক্ষ কৰে ৷

লগতে পঢ়ক: বৃন্দাবন গোস্বামীক ক্ষমা বিচাৰিলে পৃথ্বীৰাজ ৰাভাই